གཙོ་ངོས།>> གསར་འགྱུར།>>རྒྱལ་སྤྱི་གསར་འགྱུར།

རྩོམ་སྒྲིག་པ།ཡོང་ཁུངས། སྤེལ་དུས། ༢༠༡༤ལོའི་ཟླ་བ་༠༧ཚེས་༡༦ཉིན།

ཨུ་རུ་སི་དང་ཝུའུ་ཁི་ལན། ཡོ་རོབ་གླིང་བཅས་ཀྱིས་ཟླ་བརྒྱད་པར་རང་བྱུང་སོལ་རླངས་ཀྱི་གནད་དོན་ཐད་ནས་ཕྱོགས་གསུམ་གྱི་གྲོས་མོལ་སྤེལ་རྒྱུ།

        ཚེས་14ཉིན་བསྒྲགས་པའི་གནས་ཚུལ་ལྟར་ན། ཨུ་རུ་སི་དང་ཝུའུ་ཁི་ལན། ཡོ་རོབ་གླིང་མནའ་འབྲེལ་ཨུ་ཡོན་ལྷན་ཁང་གི་འཐུས་མིའི་ཕྱོགས་གསུམ་གྱི་རང་བྱུང་སོལ་རླངས་གནད་དོན་ཐད་ཀྱི་གྲོས་མོལ་དེ་ཟླ་8པར་སྤེལ་རྒྱུ་ཡིན་པ་དང་། ཡོ་རོབ་གླིང་མནའ་འབྲེལ་ཨུ་ཡོན་ལྷན་ཁང་གིས་དེའི་སྔོན་རེ་བ་བྱེད་པ་ལྟར་ཟླ་7པར་སྤེལ་ཐུབ་རྒྱུ་མ་རེད།
        བསྒྲགས་པའི་གནས་ཚུལ་ལྟར་ན། མིག་སྔར་ཨུ་རུ་སི་དང་ཡོ་རོབ་གླིང་མནའ་འབྲེལ་ཨུ་ཡོན་ལྷན་ཁང་གིས་ཕྱོགས་གཉིས་ཀྱི་རང་བྱུང་སོལ་རླངས་གནད་དོན་གྱི་གྲོས་མོལ་སྤེལ་བའི་དུས་ཚོད་ལ་གྲོས་བསྡུར་བྱེད་བཞིན་ཡོད་པ་དང་། ཕྱོགས་གསུམ་གྱི་གྲོས་མོལ་དུས་ཚོད་དེ་ཕྱོགས་གཉིས་ཀྱི་གྲོས་མོལ་དུས་ཚོད་ལ་གཞིགས་ཏེ་ཐག་གཅོད་བྱེད་དགོས།
       ཨུ་རུ་སིའི་ནུས་ཁུངས་པུའུ་ཀྲང་ནོའུ་ཝ་ཁི་ཡིས་དེའི་སྔོན་བསྟན་དོན། ཁོ་དང་ཡོ་རོབ་གླིང་མནའ་འབྲེལ་གྱི་ནུས་ཁུངས་ཆེད་དོན་པ་ཨིག་ཐིན་ཀི་གཉིས་ཀྱི་གྲོས་མོལ་དེ་ཟླ་7པའི་ཚེས་17ཉིན་ནས་ཚེས་བཅོ་བརྒྱད་ཉིན་བར་སྤེལ་རྒྱུ་ཡིན་པར་བཤད་ཀྱང་། ཡོ་རོབ་གླིང་མནའ་འབྲེལ་ཨུ་ཡོན་ལྷན་ཁང་གིས་དུས་ཚོད་གསལ་བོ་ཁྱབ་སྒྲོག་བྱས་མེད།
       ཡོ་རོབ་གླིང་མནའ་འབྲེལ་ཨུ་ཡོན་ལྷན་ཁང་གིས་དེའི་སྔོན་བསྟན་དོན། ཟླ་8པའི་སྔོན་ལ་རང་བྱུང་སོལ་རླངས་ཀྱི་གནད་དོན་ཐད་ནས་ཨུ་རུ་སི་དང་ཝུའུ་ཁི་ལན། ཡོ་རོབ་གླིང་མནའ་འབྲེལ་བཅས་ཀྱི་ཕྱོགས་གསུམ་གྱི་པུའུ་ཀྲང་རིམ་པའི་གྲོས་མོལ་སྤེལ་བར་རེ་བ་བྱས་ཡོད་ཟེར། གནས་ཚུལ་ཤེས་མཁན་གྱིས་བཤད་ན་གྲོས་མོལ་དེ་ཟླ་8པར་སྤེལ་རྒྱུ་རེད་ཟེར།
      རྒྱུས་ལོན་བྱུང་བ་ལྟར་ན། ཨུ་རུ་སིའི་རང་བྱུང་སོལ་རླངས་ཀུང་ཟིས་དུས་ཡུན་རིང་བོར་གྲུབ་འབྲས་མེད་པའི་གྲོས་མོལ་བྱས་རྗེས། ཟླ་6པའི་ཚེས་16ཉིན་ནས་བཟུང་ཝུའུ་ཁི་ལན་ལ་སོལ་རླངས་འདོན་སྤྲོད་བྱེད་པར་མ་དངུལ་སྔོན་ལ་སྤྲོད་དགོས་པའི་ལམ་ལུགས་སུ་བསྒྱུར། རྒྱུ་མཚན་ནི་ཝུའུ་ཁི་ལན་ཕྱོགས་ཀྱིས་སྒོར་དུང་ཕྱུར་བཅུ་ཕྲག་འགའི་དངུལ་བུན་ཆད་ཡོད་པས་རེད།

 

39.7K

ཐག་རག་ཡིག་བསྒྱུར་མ་ལག

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས།蜀ICP备14009601号-1