བོད་མིས་གཉེན་སྒྲིག་བྱེད་པ་དང་།     འགྲུལ་པ་ཕྱོགས་ཐོན་སོགས་ཀྱི་སྐབས་སུ་ལམ་རྟགས་ལ་དོ་སྣང་ཆེན་པོ་བྱེད་སྲོལ་ཡོད །     དཔེ་ན །    མནའ་མ་དང་མག་པ་བསུ་བ་་དངའགྲུལ་པ་ཕྱོགས་སུ་ཐོན་སྐབས་ལམ་དུ་མེ་ཤིང་ཁུར་ཡོང་མཁན་དང་ །    ཆུ་སྣོད་ཁེངས་པ་འཁུར་ཡོང་མཁན་རྒྱན་གོས་ལེགས་པར་གྱོན་པའི་འགྲུལ་པ །     ཕྱུ་པ་དཀར་རྐྱང་གྱོན་པའི་མི།     ཁལ་རྒྱབ་ལོང་བསྐལ་བའི་ཁལ་མ་སོགས་དང་འཕྲད་ན །     རྟེན་འབྲེལ་བཟང་བ་དང་དེ་བཞིན་མང་ཚོགས་ཀྱི་ཁ་རྒྱུན་དུ །     སྤྱང་སོགས་གཡས་དང་ །     ཝ་སོགས་གཡོན །     རི་བོང་ལྟག་རྩ་གཏད་ན་བཟང་ཞེས་བཤད་སྲོལ་ཡོད །    གོང་གསལ་གྱི་ལམ་རྟགས་ནི་རྟེན་འབྲེལ་བཟང་ཞིང་ །    བྱ་བ་ལམ་འགྲོ་ཡོང་བའི་རྟགས་སུ་རྩི་བ་དང་ །     ཆུ་སྣོད་སྟོང་པ་དང་ །     སླེ་བོ་སྟོང་པ་འཁུར་མཁན་དང་ །     ཁལ་མ་སྒལ་སྟོང་ །     བུད་མེད་སྐྲ་ཟིང་ །     ནད་པ །     ཕུང་པོ་སྐྱེལ་མཁན །     པང་གདན་བཅིངས་མེད་པའི་བུད་མེད །     གྲྭ་པ་སོགས་དང་འཕྲད་ན་རྟེན་འབྲེལ་མི་ལེགས་པར་རྩིས་སྟེ་བཟློག་ཐབས་ཀྱི་རིམ་གྲོལ་སོགས་བྱེད་སྲོལ་ཡོད །