ཤེས་རྟོགས་བྱུང་བར་གཞིགས་ན། རྒྱལ་རྩེའི"མདའ་མང་དུས་ཆེན"ནི་ལོ་རྒྱུས་རིང་ཞིང་། དམངས་སྲོལ་བཟང་ལ་གཟབ་རྒྱས་ཆེ་བས་བོད་ལྗོངས་སུ་གྲགས་ཆེ་བའི་དམངས་སྲོལ་དུས་ཆེན་ཞིག་ཏུ་གྱུར་ཡོད་པ་རེད། ཉེ་བའི་ལོ་འགའི་རིང་ལ། བོད་ལྗོངས་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་བྱུང་བ་དང་བསྟུན་ནས། ཚོང་འདུས་ཀྱང་མདའ་མང་དུས་ཆེན་གྱི་ནང་དོན་གསར་པ་ཞིག་ཏུ་འགྱུར་བཞིན་ཡོད་པ་རེད།
རྒྱལ་རྩེ་རྫོང་ཨུད་ཀྱི་ཧྲུའུ་ཅི་གཞོན་པ། རྫོང་དཔོན་དབྱང་ཅུན་གྱིས། མཛད་སྒོའི་ཐོག་མདའ་མང་དུས་ཆེན་ནི་རྒྱལ་རྩེ་རྫོང་གི་ལོ་གཅིག་དུས་གཅིག་གི་སྲོལ་རྒྱུན་དུས་ཆེན་ཡིན་པ་དང་། དེ་ནི་ལོ་རྒྱུས་ཀྱི་མི་རིགས་རིག་གནས་རྒྱུད་འཛིན་བྱེད་པ་དང་། བྱེད་སྒོ་འདི་སྤེལ་བའི་ཐོག་ནས་མི་རིགས་ཕན་ཚུན་འགྲོ་འོང་དང་། སྤེལ་རེས། མཉམ་འདྲེས་བཅས་བྱས་ནས། རྒྱལ་རྩེ་དྲིལ་བསྒྲགས་དང་འགྲེམ་སྟོན་བྱས་ནས་རྒྱལ་རྩེ་འཕེལ་རྒྱས་ཀྱི་དམིགས་ཡུལ་འགྲུབ་པར་བྱེད་ཐུབ་ཚུལ་བསྟན་གནང་བ་རེད།
