དཀར་མཛེས་ཁུལ་གྱིས་ཁོར་ཡུག་སྲུང་སྐྱོང་ལྟ་སྐུལ་ཞིབ་བཤེར་དང་གནད་དོན་དག་བཅོས་འགོ་ཁྲིད་ཚོ་ཆུང་གི་གྲོས་ཚོགས་འཚོགས།

ལྷ་འཛོམས་ཀྱིས་བསྒྱུར། རྩོམ་སྒྲིག་པ།ཚེ་དཔལ། ཡོང་ཁུངས།ཁམས་པའི་དྲ་བ། སྤེལ་དུས། 08-21


        ཟླ་བ8པའི་ཚེས17ཉིན་གྱི་སྔ་དྲོར། ཁུལ་ཨུའི་ཧྲུའུ་ཅི་གཞོན་པ། ཁུལ་དཔོན་ཞའོ་ཡིའུ་ཚའེ་ཡིས་གཙོ་འགན་བཞེས་ནས་རང་ཁུལ་གྱི་ཁོར་ཡུག་སྲུང་སྐྱོང་ལྟ་སྐུལ་ཞིབ་བཤེར་དང་གནད་དོན་དག་བཅོས་འགོ་ཁྲིད་ཚོ་ཆུང་གི་གྲོས་ཚོགས་འཚོགས་ཏེ་དུས་ཐོག་ཏུ་ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་དེང་སྐབས་ཀྱི་ཁོར་ཡུག་སྲུང་སྐྱོང་ལྟ་སྐུལ་ཞིབ་བཤེར་དང་གནད་དོན་དག་བཅོས། ལྟ་སྐུལ་བྱེད་ཞོར་དག་བཅོས་བྱ་རྒྱུའི་འབྲེལ་ཡོད་ལས་ཀ་སྔ་ལས་ལྷག་པར་ལེགས་འཛིན་བྱ་རྒྱུའི་བླང་བྱ་བརྒྱུད་བསྒྲགས་བྱས་པ་དང་ཕྱིན་ཆད་ཀྱི་དུས་སྐབས་ཤིག་གི་དཀར་མཛེས་ཁུལ་ཡོངས་ཀྱི་ཁོར་ཡུག་སྲུང་སྐྱོང་གནད་དོན་དག་བཅོས་དོན་འཁྱོལ་ལས་ཀ་བཀོད་སྒྲིག་བྱས། ཞའོ་ཡིའུ་ཚའེ་ཡིས་ནན་གསུང་གནང་དོན། ཁུལ་ཡོངས་ཀྱི་གོང་འོག་ཚང་མས་མཐོང་ཆེན་ཚད་མཐོན་པོ་དང་མྱུར་སྒྲུབ་བྱས་ཏེ་ཚད་ལྡན་དེ་བས་མཐོན་པོ་དང་བླང་བྱ་དེ་བས་ནན་པོ། བྱ་ཐབས་དེ་བས་ནུས་ལྡན་བླངས་ཏེ་ཁོར་ཡུག་སྲུང་སྐྱོང་ཐད་ཏང་སྲིད་ཀྱི་འགན་མཉམ་ཁུར་བྱས་ཤིང་། ཁོར་ཡུག་སྲུང་སྐྱོང་ལྟ་སྐུལ་ཞིབ་བཤེར་དང་དག་བཅོས་ལས་ཀ་དོན་ཐོག་འཁྱོལ་བ་བྱས་ཏེ་ཕན་འབྲས་དངོས་ཐོབ་པ་བྱ་དགོས།
        ཚོགས་ཐོག་ཞིང་ཆེན་ཁོར་ཡུག་སྲུང་སྐྱོང་ལྟ་སྐུལ་ཞིབ་བཤེར་ལྐོག་འདྲི་ཚོ་ཆུང་གིས་རང་ཁུལ་དུ་ལྐོག་འདྲི་བྱས་པའི་གནད་དོན་ཕྱིར་ལྡོག་དང་ཕྱིན་ཆད་དག་བཅོས་དོན་འཁྱོལ་ལས་ཀའི་བླང་བྱ་བརྒྱུད་བསྒྲགས་བྱས་པ་རེད།། 


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1