རྒྱལ་ཡོངས་བོད་ཁུལ་གྱི་ཁྲིམས་ཁང་གི་ཁྲིམས་དཔོན་གྱི་བོད་རྒྱ་སྐད་གཉིས་ཀྱི་འདྲི་གཅོད་བྱ་བའི་གསོ་སྦྱོང་འཛིན་གྲྭ་ཐེངས་དང་པོ་འབྲུག་ཆུ་རུ་བསྡུས།

རྩོམ་སྒྲིག་པ།ཡོང་ཁུངས། སྤེལ་དུས། 07-30


        ཉེ་ལམ། རྒྱལ་ཡོངས་བོད་ཁུལ་གྱི་ཁྲིམས་ཁང་གི་ཁྲིམས་དཔོན་གྱི་བོད་རྒྱ་སྐད་གཉིས་ཀྱི་འདྲི་གཅོད་བྱ་བའི་གསོ་སྦྱོང་འཛིན་གྲྭ་ཐེངས་དང་པོ་འབྲུག་ཆུ་རུ་བསྡུས་ཤིང་།   རྒྱལ་ཡོངས་ཀྱི་ཞིང་ལྗོངས་ལྔ་སྟེ་བོད་ལྗོངས་དང་།   མཚོ་སྔོན།   ཀན་སུའུ།  སི་ཁྲོན།   ཡུན་ནན་བཅས་ཀྱི་བོད་རིགས་རང་སྐྱོང་ཁུལ་བཅུ་དང་དེར་གཏོགས་པའི་རྫོང་གི་ཁྲིམས་ཁང་མ་ལག་དགུ་བཅུ་ལྷག་གི་རྒྱ་རིགས་དང་།  བོད་རིགས། ཧོས་རིགས། པེ་རིགས།    ནཱ་ཞི་རིགས་སོགས་ཁྲིམས་ཁང་གི་ཁྲིམས་དཔོན་དང་ཁྲིམས་དཔོན་གཞོན་པ་བརྒྱ་ལྷག་ལ་གཅིག་བསྡུས་ཀྱིས་གསོ་སྦྱོང་བྱས།

    གསོ་སྦྱོང་གི་སྐབས་སུ།   ཆེས་མཐོ་མི་དམངས་ཁྲིམས་ཁང་དང་།    རྒྱལ་ཁབ་ཁྲིམས་དཔོན་སློབ་གླིང་།   ཀན་སུའུ་ཞིང་ཆེན་གྱི་མཐོ་རིམ་མི་དམངས་ཁྲིམས་ཁང་།    རྒྱལ་ཁབ་ཁྲིམས་དཔོན་སློབ་གླིང་འབྲུག་ཆུའི་མི་རིགས་ཁྲིམས་དཔོན་གསོ་སྦྱོང་གནས་གཞི་སོགས་ལས་ཁུངས་ཀྱི་གདན་འདྲེན་འོག ཀྲུང་གོའི་ཁྲིམས་ལུགས་སློབ་ཚོགས་ཀྱི་ཚོགས་མིའམ་རྒྱལ་ཡོངས་ཁྲིམས་ཁང་བོད་རྒྱ་སྐད་གཉིས་ཀྱི་ཁྲིམས་དཔོན་གསོ་སྦྱོང་དགེ་རྒན། ཀྲུང་གོའི་ཁྲིམས་ལུགས་ལོ་རྒྱུས་ཞིབ་འཇུག་ཚོགས་པའི་འགན་འཛིན། ཀྲུང་གོ་མི་དམངས་སློབ་ཆེན་ཁྲིམས་ལུགས་སློབ་གླིང་གི་ཁྲིམས་ལུགས་འབུམ་རམས་ཕྱི་ཚར།    ཁྲིམས་ལུགས་རབ་འབྱམས་པའི་ཁྲིད་སྟོན་དགེ་རྒན།    ནུབ་བྱང་མི་རིགས་སློབ་ཆེན་ཁྲིམས་ལུགས་རིག་པའི་སློབ་གླིང་གི་ལུང་པ་དོན་གྲུབ་ཀྱིས«བོད་ཀྱི་སྲོལ་ཁྲིམས་དང་ཁྲིམས་འཛིན་འདྲི་གཅོད»ཅེས་པ་ཁ་བྱང་དུ་བྱས་ཏེ་བོད་ཀྱི་གནའ་བོའི་དམངས་སྲོལ་དང་ཆོས་ལུགས། གོམས་སྲོལ་ཁྲིམས་ལུགས་ཀྱི་ལོ་རྒྱུས་འཕེལ་འགྱུར་དང་ཀྲུང་གོས་མཐའ་ཁུལ་སྐྱོང་བའི་ཁྲིམས་ལུགས་སྲིད་ཇུས་སོགས་ཀྲུང་གོས་གསར་དུ་སྤེལ་བའི་ཁྲིམས་འཛིན་བཅོས་སྒྱུར་སོགས་ཀྱི་ཐད་ནས་གསོ་སྦྱོང་འཛིན་གྲྭར་སློབ་ཁྲིད་ལེགས་པོ་ཞིག་བྱས།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1