རྒྱལ་སྲིད་སྤྱི་ཁྱབ་ཁང་གི་ཙུང་ལི་ལིས་ཁི་ཆང་གིས་ཟླ་7པའི་ཚེས30ཉིན་མགོ་འཛིན་མཛད་དེ་རྒྱལ་སྲིད་སྤྱི་ཁྱབ་ཁང་གི་རྒྱུན་ལས་གྲོས་ཚོགས་བསྡུས་ཏེ། ཞིང་བ་ཞོར་ལས་པའི་ཞབས་ཕྱིའི་བྱ་བ་བཟང་བོར་སྒྲུབ་སྟེ། གོ་རིམ་ཡོད་པའི་སྒོ་ནས་ཞིང་ལས་པ་གྲོང་ཁྱེར་སྡོད་དམངས་ཅན་དུ་བསྒྱུར་བར་བཀོད་སྒྲིག་བྱས་ཤིང་། བརྟན་ནོར་ཐོ་འགོད་གནས་སྐབས་ལག་བསྟར་སྲོལ་ཡིག་གི་བསམ་འཆར་བསྡུ་ལེན་མ་ཡིག་ལ་གྲོས་བསྡུར་བྱས་པར་མ་ཟད་སྤྱི་ཚོགས་ཡོངས་ལ་མངོན་གསལ་སྒོས་བསམ་འཆར་བསྡུ་ལེན་བྱེད་རྒྱུའི་ཐག་བཅད་པ་དང་། དུས་འོས་འཚམ་ཞིག་ལ་གྲོང་ཁྱེར་ཆེན་པོའི་མཁར་གྲོང་གི་ལས་ཀ་ཤོར་ཚད་ལ་ཞིབ་བཤེར་བྱས་པའི་གཞི་གྲངས་ཁྱབ་སྒྲོག་བྱས་ནས། དཔལ་འབྱོར་དང་སྤྱི་ཚོགས་འཕེལ་རྒྱས་ལ་ཞབས་ཕྱི་བཟང་བོར་བསྒྲུབ་རྒྱུ་གཏན་འཁེལ་བྱས།