༄༅།། སྐྱེས་མར་ཕུལ་བ།

རྩོམ་སྒྲིག་པ།ཡོང་ཁུངས། སྤེལ་དུས། 05-18


གསེར་གྱི་ཐམ་ག་ཅན་དེ་བསྐྱུར་ཤོག

ཟ་འོག་དགུ་བརྩེགས་ཅན་དེ་གཡུགས་ཤོག

ངས་རིགས་རྒྱུད་སྤེལ་མཁན་གྱི་སྐྱེས་མ་མཆུ་རྩི་ཅན་དེ་དག

ཤ་དང་རུས་པའི་བཅུད་ཀྱིས་མཆོད།


གཟུགས་དག་ལས་ཆེས་མཛེས་པ་རང་ཉིད་ཀྱི་ཆུང་མའི་སྐྱེས་གཟུགས་རེད།

ཟླུམ་པོ་དག་ལས་ཆེས་སྙིང་ཉེ་བ་ཆུང་མ་མངལ་སྦྲུམ་པའི་སྐབས་ཀྱི་བཟོ་ལྟ་རེད།

མེ་ཏོག་གི་སྐྱེས་ཆུང་མེད་ཀྱང་སྙན་ངག་ཚན་པ་འདི།

མིའི་རིགས་ཀྱི་མ་ཡུམ་དག་ལ་དྭངས་གཙང་གིས་མཆོད།


སྐྱེས་མ་ཚོ་རོལ་དབྱངས་ཤིག་རེད།

རྫ་ཆུ་ཤག་ཤག་འབབ་བཞིན་པའི་བཞུར་དབྱངས་དེ་རེད།

སྐབས་འདིར་བསམ་བྱ་ཡོད་ཚད་ཕངས་མེད་རྒྱང་ལ་དོར་རྗེས།

མ་ཡུམ་ཚོའི་མཛེས་སྡུག་དང་མཉེས་གཤིན་ཁོ་ན་མཆོད།


གནག་སྣུམ་ལན་ཚར་གྱི་གསང་བ་མཆོད།

ཁྲ་ཆེན་གཟི་མིག་གི་ཟུར་མདའ་མཆོད།

དྭངས་གཙང་ཆུ་མིག་གི་སེམས་པ་མཆོད།

གསུམ་བརྒྱད་བུད་མེད་དུས་ཆེན་མཆོད།


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1