6.  ཨེ་ཛིའི་ནད་ཀྱི་ནད་དུག་ཕོག་ཡོད་མཁན་དག་མགྱོགས་པོར་ཤི་འགྲོ་བ་ཡིན་ནམ།
        ཨེ་ཛིའི་ནད་ཀྱི་ནད་དུག་འགོས་ཚེ་མགྱོགས་པོར་མི་ཤི།  ནད་རྟགས་མི་མངོན་པའི་དུས་སྐབས་ཇི་ལྟར་རིང་ན། ཨེ་ཛིའི་ནད་ཀྱི་ནད་དུག་འགོས་ཡོད་མཁན་ཀྱི་ཚེ་ཐག་ཡང་དེ་ལྟར་རིང་། དེ་བས་ན། ཨེ་ཛིའི་ནད་ཀྱི་ནད་དུག་འགོས་ཡོད་མཁན་ཚོས་རང་ལ་དམའ་འབེབས་གཏན་ནས་བྱེད་མི་རིགས་པར་ཐབས་བརྒྱ་ཇུས་སྟོང་གིས་ནད་མི་འཕར་བའི་དུས་ཚད་རིང་དུ་བསྲིངས་དགོས། ནད་འཕར་བའི་དུས་སུ་མ་བསླེབས་ཚེ་ཨེ་ཛིའི་ནད་ཀྱི་ནད་དུག་འཆང་མཁན་གྱིས་རྒྱུན་ལྡན་གྱི་མི་དང་འདྲ་བར་འཚོ་བ་རོལ་བ་དང་ལས་ཀ་གང་རུང་དུ་བསྒྲུབས་ཆོག

 7. ཨེ་ཛིའི་ནད་ཀྱི་ནད་དུག་འཁྲིག་སྦྱོར་བརྒྱུད་ནས་འགོ་བ་དེ་ཇི་ལྟར་སྔོན་འགོག་བྱེད་དགོས།
        ཨེ་ཛིའི་ནད་ཀྱི་ནད་དུག་འཁྲིག་སྦྱོར་བརྒྱུད་ནས་འགོ་བ་སྔོན་འགོག་བྱེད་པར་བདེ་འཇགས་ཀྱི་འཁྲིག་པ་སྤྱོད་དགོས། གཅིག་ནས་ཕན་ཚུན་ལ་བློ་དཀར་ཞིང་། ཨེ་ཛིའི་ནད་འགོས་མེད་པའི་འཁྲིག་པ་སྤྱོད་རོགས་གཅིག་ལས་མེད་པ་བྱ་དགོས། གཉིས་ནས་དུས་རྒྱུན་འཁྲིག་པ་སྤྱོད་དུས་སྦྲུམ་འགོག་འགྱིག་ཤུབས་བེད་སྤྱོད་ལེགས་པོ་བྱེད་དགོས།