༄༅།། ལྟག་ཨོ་རྒྱན་ཆོས་འཕེལ་གྱི་རི་མོ་བརྩམས་ཆོས་བདམས་བཀོད།

འགྱུར་མེད་ཚེ་དབང་གིས་བྲིས། རྩོམ་སྒྲིག་པ།ཡོང་ཁུངས།ངེད་དྲ་བ། སྤེལ་དུས། 01-19



འགྱུར་མེད་ཚེ་དབང་གིས་བྲིས། ལྟག་ཨོ་རྒྱན་ཆོས་འཕེལ་གྱིས་པར་མཁོ་འདོན་བྱས།


        སྣང་གསར་ཐང་གའི་ལམ་སྲོལ་གསར་གཏོད་མཛད་པོ་ལྟག་ཨོ་རྒྱན་ཆོས་འཕེལ་ལགས་ནི། འཁྲུངས་ཡུལ་ལི་ཐང་། ཆུང་ནས་ཤེས་རིག་གི་ནུ་ཞོ་མངར་མོ་ལ་རོལ་མྱོང་ནི། ཆེ་ནས་ཤེས་རིག་གི་ཀློང་ནས་འཚར་ལོངས་བྱུང་ཞིང་། ཤེས་རིག་གི་འབྱུང་ཁུངས་གཞི་རྟེན་རི་ཆུ་ཀླུང་གསུམ། གངས་རི་དཀར་པོ། ས་གཞི་ནག་པོ། རྒྱ་མཚོའི་རླབས་སྒྲ་སོགས་ཁོར་ཡུག་རྒྱ་ཆེ་ས། གཏིང་ཟབ་སའི་རིག་གནས་ལ་ཆ་རྒྱུས་ཡོད་ནི། སྐད་ཡིག་ཀྱང་། རྒྱའི་སྐད་ཡིག་དང་། དབྱིན་ཇིའི་སྐད་ཡིག བོད་ཀྱི་སྐད་ཡིག་གསུམ་ཤེས་ནི། ཁྱད་པར་དུ་བོད་ཀྱི་ཤེས་རིག་གི་གཞི་དང་རྐང་བཟང་བ། དེ་ལས་ཀྱང་ཆུང་ནས་རི་མོའི་སྒྱུ་རྩལ་ལ་མོས་པ་ཆེ་བར་མ་ཟད། བོད་ཀྱི་ཐང་ག་འབྲི་ཤེས་པ་དང་། ཕྱི་གླིང་པ་དང་། རྒྱ་ནག་པའི་རི་མོ་ལ་ཡང་གང་འཚམས་ཀྱིས་ཆ་རྒྱུས་མངའ་བ། ལྷན་སྐྱེས་ཀྱི་ཤེས་རིག་དང་།

        སྦྱང་སྟོབས་ཀྱི་ཤེས་རིག་གིས་སྒོ་ཀུན་ནས་ཕྱུག་པས་རྟོགས་རླབས་ཀྱང་ཁྱད་པར་ཅན་ཡོད་ནི། ཁྱད་པར་དུ་སྒྱུ་རྩལ་ལ་དུང་ཞེན་ཆེ་བ། སྒྱུ་རྩལ་གྱི་བསམ་བློ་ཕུན་སུམ་ཚོགས་པ། སྒྱུ་རྩལ་ལ་ལྟ་བའི་བློ་མིག་ཡངས་པ་སོགས་སྒྱུ་རྩལ་གྱི་སྐུ། སྒྱུ་རྩལ་གྱི་གསུངས། སྒྱུ་རྩལ་གྱི་ཐུགས་དང་ལྡན་པ་ཞིག་ཡིན་ལ། དེ་ཡང་གནའ་རྫས་དང་། ཕྱག་རྒྱ། འདྲ་རིས། ཡིག་གཟུགས། རི་མོ། དབྱངས་རྟ། ལོ་རྒྱུས། འབྱུང་རྩིས། སྲོལ་ལུགས། སེམས་ཁམས། སྒྱུ་རྩལ་སོགས་ཀྱི་སྐོར་ལ་ཞིབ་འཇུག་བྱས་དང་བྱེད་བཞིན་པས། དེ་སྔར་རྩོམ་དེབ་ཀྱང་མང་པོ་བཏོན་ཡོད། ད་ལམ་ཡིག་གཟུགས་བརྩམས་ཆོས་འདི་ཉིད་ཀྱང་ཁོང་གི་ནང་སྒྱུ་རྩལ་གྱི་ཞིང་ཁམས་ནས་སྣེ་ཟུར་ཞིག་མི་ཡི་ཡུལ་དུ་གསར་དུ་དགའ་སྟོན་འགྱེད་པ་ལགས། ། 


 ས་བདག་གི་གསང་བ། 



 ཨ་མྱེའི་འདྲ་འབག 



 རི་ཀླུང་གི་འཕྲོད་སྦྱོར། 



ཆར་ཆུ་དང་རྩི་ཐོག 



རི་རྒྱལ་གྱི་གཟི་འོད། 


  • རྟ་ཕྱག་ཁྱུང་། 

ནོར་རྒྱུན་མ། 


རྩོམ་ཡིག་སྔོན་མ།
༄༅།། བསོད་ནམས་མགོན་པོ།

དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1