ཅིར་ཅི་སི་སི་ཐན་གྱིས་ཟླ་བཅུ་གཉིས་པའི་ཚེས་ཉི་ཤུ་ཉིན་གྲོས་ཁང་གི་འདེམ་བསྐོའི་བྱ་འགུལ་ཡང་བསྐྱར་སྤེལ་རྒྱུ་ཐག་བཅད།

རྩོམ་སྒྲིག་པ།ཚེ་དཔལ། ཡོང་ཁུངས།མཚོ་སྔོན་བོད་སྐད་རླུང་འཕྲིན། སྤེལ་དུས། 10-23


        ཞིན་ཧྭ་གསར་འགྱུར་ཁང་གི་གློག་འཕྲིན་ལྟར།  ཅིར་ཅི་སི་སི་ཐན་གྱི་ཀྲུང་དབྱང་འདེམ་བསྐོ་ཨུ་ཡོན་ལྷན་ཁང་གིས་ཚེས་ཉེར་གཅིག་ཉིན་ཁྱབ་སྒྲོག་བྱས་དོན། ཅིར་ཅི་སི་སི་ཐན་གྱིས་ཟླ་བཅུ་གཉིས་པའི་ཚེས་ཉི་ཤུའི་ཉིན་གྲོས་ཁང་གི་འདེམ་བསྐོའི་བྱ་འགུལ་ཡང་བསྐྱར་སྤེལ་རྒྱུ་ཐག་བཅད་ཡོད་ཟེར། 
        ཉིན་དེར་སྤེལ་བའི་གྲོས་ཚོགས་སྟེང་། ཅིར་ཅི་སི་སི་ཐན་གྱི་ཀྲུང་དབྱང་འདེམ་བསྐོ་ཨུ་ཡོན་ལྷན་ཁང་གིས་ད་རུང་འདེམ་བསྐོའི་བྱ་འགུལ་ཡང་བསྐྱར་སྤེལ་བའི་རྩ་འཛུགས་གྲ་སྒྲིག་བྱེད་ཐབས་དང་སྔོན་རྩིས་སོགས་འབྲེལ་ཡོད་འཆར་གཞི་གཏན་འབེབས་བྱས། 
        ཅིར་ཅི་སི་སི་ཐན་གྱི་ཙུང་ཐུང་ཚབ་མ། ཙུང་ལི་ཀྲ་ཕཱ་ལོ་ཧྥུའུ་ཡིས་ཚེས་ཉི་ཤུ་ཉིན་མཉམ་འབྲེལ་རྒྱལ་ཚོགས་ཀྱི་དྲུང་ཡིག་ཆེན་མོའི་དམིགས་བསལ་འཐུས་མི་ཀའེ་ཨར་མན་ལ་ཐུག་འཕྲད་བྱེད་སྐབས་བསྟན་དོན། ཡོངས་བསྒྲགས་མངོན་གསལ་གྱི་རྩ་དོན་འོག་གྲོས་ཁང་གི་འདེམ་བསྐོའི་བྱ་འགུལ་ཡང་བསྐྱར་སྤེལ་རྒྱུ་ཡིན་ཟེར།  །


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1