ཟླ་5ཚེས་30ཉིན། ཝུན་ཁྲོན་རྫོང་སན་ཅང་ཅིན་ཅུས་སྡེ་བའི་སྡེ་མི་ཝང་ཧྥུ་ཆིང་གི་རྩྭ་སྨན་འདེབས་འཛུགས་རྟེན་གཞི་རུ་བཟོ་བ་རྣམས་ཀྱིས་ཁོམ་ལོང་མེད་པར་ལས་ཀ་ལས་བཞིན་ཡོད།

    ཉེ་བའི་ལོ་འགའི་རིང་། ཝང་ཧྥུ་ཆིང་གིས་སྨན་རྩྭ་འདེབས་འཛུགས་ཀྱི་གྲུབ་ཆ་ལེགས་སྒྲིག་ཧུར་ཐག་བྱས་ནས་ཁྱད་ལྡན་འདེབས་འཛུགས་ལས་རིགས་ལ་འཕེལ་རྒྱས་ཆེན་པོ་བཏང་ཡོད། ད་ལོར། ཁོས་སྡེ་བའི་ས་རྒོད་མུའུ་800ལྷག་ཙམ་འགན་གཙང་ལེན་བྱས་ཏེ་ཀྲུང་ལུགས་རྩྭ་སྨན་འདེབས་འཛུགས་བྱས་པ་དང་འབྲེལ། བཟོ་བ་བཅུ་ཕྲག་ཙམ་བསྡུས་ནས་རྟེན་གཞིར་བདག་གཉེར་བྱས། བྱེད་ཐབས་འདིས་མཐའ་འཁོར་གྱི་སྡེ་མིར་འབབ་འཕར་ཡོང་རྒྱུར་སྐུལ་ཁྲིད་ཐུབ་ནས་གྲོང་གསེབ་དར་རྒྱས་གཏོང་རོགས་བྱས།