༄༅། །འཛམ་གླིང་གི་བདེ་ཐང་རང་བཞིན་ལྡན་པའི་ལས་སྒྲུབ་དང་ངལ་གསོའི་དུས་ཚོད།

རྩོམ་སྒྲིག་པ།ཡོང་ཁུངས། སྤེལ་དུས། 01-21


             བྱ་བ་གང་ཡིན་ཡང་དུས་མ་ཡིན་པར་བསྒྲུབ་ཚེ་ལུས་ཁམས་བདེ་ཐང་ལ་གནོད་པ་ཆེན་པོ་ཡོད། གཤམ་གྱི་ལས་སྒྲུབ་དུས་ཚོད་དང་ངལ་གསོའི་རེའུ་མིག་ལྟར་བྱ་བ་བསྒྲུབ་ཚེ་ལུས་ཁམས་བདེ་ཐང་ཕྱོགས་ལ་ཕན་པ་ཡོད།

ཆུ་ཚོད་7﹕30མལ་ལས་ལངས་པ།

དབྱིན་ཇིའི་ལྦེ་སི་མེ་སི་སློབ་ཆེན་གྱི་ཞིབ་འཇུག་པ་ཞིག་གིས་ཞོགས་པའི་ཆུ་ཚོད་5དང་སྐར་མ་22ནས་ཆུ་ཚོད་7དང་སྐར་མ་21བར་མལ་ལས་ལངས་མཁན་གྱི་མི་དག་གི་ཁྲག་རྒྱུན་དུ་སྙིང་ནད་སློང་བའི་རྫས་ཤིག་ཡོད་པ་དེའི་འདུས་ཚད་ཅུང་མཐོ་བ་ཡོད་པ་རྟོགས། དེ་བས་ཆུ་ཚོད་7དང་སྐར་21གི་རྗེས་སུ་མལ་ལས་ལངས་ན་ལུས་པོ་བདེ་ཐང་ལ་ཕན་པ་ཆེན་པོ་ཡོད། སད་མ་ཐག་གློག་སྒྲོན་བཀར་བ། ལཱ་ཧྥོའོ་པའོ་སློབ་ཆེན་གཉིད་ཉལ་ཞིབ་འཇུག་ལྟེ་གནས་ཀྱི་དགེ་རྒན་ཆེན་མོ་ཅིས་མའོ་ཧའོ་ཨུན་གྱིས་གཉིད་ལས་སད་མ་ཐག་གློག་སྒྲོན་བཀར་ཚེ་གཉིད་སད་དཔེ་དབྱིབས་སྙོམས་སྒྲིག་བྱེད་པ་ལ་བརྟེན་ནས་ལུས་ཁམས་ཀྱི་གསར་བྱུང་དངོས་པོ་སྙོམས་སྒྲིག་བྱ་ཐུབ་པ་ཡིན།

ཆུ་ཕོར་གང་འཐུང་བ།

ཆུ་ནི་ལུས་ཁམས་ཀྱི་རྫས་འགྱུར་ཚུར་སྣང་མང་པོ་བྱེད་པའི་དངོས་པོ་ཆེས་གལ་ཆེ་བ་དེ་ཡིན་སྟབས་ཞོགས་པར་ཆུ་དྭངས་མོ་ཕོར་གང་འཐུང་ཚེ་སྔ་ནུབ་ལུས་ཀྱི་ཆུ་ཁམས་ཟད་པ་གསོ་ཐུབ།

ཆུ་ཚོད་7﹕30-8﹕00པའི་བར་ནང་ཇའི་སྔོན་དུ་སོ་འཁྲུད་པ།

དབྱིན་ཇིའི་སོའི་བདེ་ཐང་བདེ་འཇགས་མཐུན་ཚོགས་ཀྱི་ཞིབ་འཇུག་པ་ཀི་ཏིན•ཨའོ་ཐི་ཅིན་སི་ཡིས་སོ་སྨན་དུ་ཧྥོ་འདུས་ཕྱིར་ནངས་ཇའི་སྔོན་དུ་སོ་བཀྲུས་ཚེ་སོ་སྲུབས་ཀྱི་དངོས་པོ་གཙང་བསལ་བྱེད་པ་མ་ཟད། སོ་ཕྱིར་བདེ་སྲུང་རིམ་པ་ཞིག་ཐོབ་པ་ཡིན། གལ་ཏེ་ནངས་ཇའི་སྔོན་དུ་སོ་འཁྲུད་མ་ཐུབ་ཚེ་ཟས་རྗེས་ཀྱི་ཆུ་ཚོད་ཕྱེད་

ཀའི་ནང་ངེས་པར་དུ་སོ་འཁྲུད་དགོས་ཟེར།

ཆུ་ཚོད8﹕00-8﹕30བར་ནངས་ཇ་འཐུང་བ།

ལོན་ཏོན་སློབ་ཆེན་རྒྱལ་པོའི་སླབོ ་གླིང་འཚོ་བཅུད་མཁན་ཁན་ལྦུན་•ལྦེ་ཨར་ལོན་གྱིས་བཤད་རྒྱུར། ནངས་ཇ་འཐུང་ཚེ་ཁྲག་ནང་གི་མངར་ཆའི་ལྡང་ཚད་དོ་མཉམ་ཡོང་བ་སྲུང་འཛིན་བྱེད་ཐུབ་པས་ནངས་ཇ་ངེས་པར་དུ་འཐུང་དགོས་ཟེར།

ཆུ་ཚོད་8﹕30-9﹕00བར་ལུས་པོ་སྦྱོང་བརྡར་བྱས་ན་འཚམ་པོ་མིན་པ།

བོའུ་ཧྲི་ལོའུ་ནེ་ཨར་སློབ་ཆེན་གྱི་ཞིབ་འཇུག་པས་དུས་འདིར་ལུས་རྩལ་སྦྱངས་ན་ལུས་ཁམས་ཀྱི་སྔོན་འགོག་མ་ལག་གི་ནུས་པ་ཆེས་ཞན་དུས་ཡིན་པས་ནད་རིགས་འགོས་སླ་བ་ཡིན་པ་རྟོགས། རྐང་ཐང་དུ་སྐྱོད་པ། མཱ་སཱ་ཀྲུའུ་སེད་ཀྲུའུ་སློབ་ཆེན་གསོ་རིག་གླིང་གི་ཞིབ་འཇུག་པས་ཉིན་རྒྱུན་རྐང་ཐང་དུ་སྐྱོད་པའི་མི་དེ་གནས་གཅིག་ཏུ་འདུག་ཡུན་རིང་ཞིང་འགུལ་སྐྱོད་མི་བྱེད་པའི་མི་དང་བསྡུར་ན་ཆམ་པ་ཕོག་ཚད་བརྒྱ་ཆའི་25﹪ཡིས་དམའ་བ་ཡིན་པ་ཤེས་རྟོགས་བྱུང་། 9﹕30ནི་ཉིན་ཞིག་གི་བྱ་བའི་བརྒྱུད་རིམ་ཁྲོད་ཀྱི་ཆེས་དཀའ་བའི་དུས་ཡིན་པ། ཉོའུ་ཡའོ་གཉིད་ཉལ་ལྟེ་བའི་ཞིབ་འཇུག་པས་མི་མང་ཆེ་ཤོས་ཤིག་གཉིད་ལས་སད་པ་ནས་ཆུ་ཚོད་གཉིས་རིང་རིག་པ་ཆེས་གསལ་བའི་དུས་ཡིན་པ་དང་དེ་ལས་འདས་ཚེ་རིག་པ་མི་གསལ་བར་འགྱུར་ངེས།

ཆུ་ཚོད་10﹕30སྟེང་མིག་ལ་ངལ་ཅུང་གསོ་རུ་འཇུག་པ།

གལ་ཏེ་ཁྱེད་ཀྱིས་གློག་ཀླད་སྤྱོད་བཞིན་པ་ཡིན་ན་མིག་བརྙན་ཤེལ་དང་འགྱེད་ནས་ཆུ་ཚོད་གཅིག་ནང་སྐར་3མ་ཙམ་བེད་སྤྱད་དེ་ངལ་གསོ་དགོས།

ཆུ་ཚོད་11﹕00སྟེང་སིལ་ཏོག་ཟ་བ།

རྒྱ་སིལ་དང་སིལ་ཏོག་མདོག་དམར་པོ་ཅན་ཟོས་ན་ལུས་ཁམས་ཀྱི་ལྕགས་རྒྱུ་དང་ལྦེ་ཧྲིན་སོའུ་ཁ་གསབ་བྱེད་ཐུབ། ཐབས་འདི་ནི་ལུས་ཁམས་ཀྱི་མངར་ཆ་མར་ཆགས་པ་ཐག་གཅོད་བྱེད་པའི་ཐབས་ཡག་ཤོས་དེ་ཡིན།

ཆུ་ཚོད་13﹕00སྟེང་སྲན་རིགས་དང་སྔོ་ཚལ་རིགས་མང་ཙམ་བཟའ་བ། གུང་ཇའི་སྐབས་སྲན་རིགས་དང་སྔོ་ཚལ་མང་ཙམ་ཟོས་ཚེ་ལུས་ཁམས་ཀྱི་ཕྱོགས་སོ་སོར་ཕན་པ་ཡོད།

ཆུ་ཚོད་14﹕30--15﹕30བར་ངལ་ཅུང་ཙམ་གསོ་རྒྱུ། སློབ་ཆེན་ཞིག་གི་ཞིབ་འཇུག་ལས། ཉིན་རེའི་དུས་འདིར་སྐར་30ཡས་མས་སུ་ངལ་གསོ་བ་དང་། གཟའ་འཁོར་རེར་མ་མཐའ་ཡང་ཐེངས་གསུམ་ལ་ངལ་གསོ་ཐུབ་པ་བྱུང་ན། སྙིང་ནད་ཀྱིས་འཆི་བའི་ཚད་དེ་བརྒྱ་ཆ་37﹪མར་ཆགས་ཐུབ་པ་རྟོགས།

ཆུ་ཚོད་16﹕00སྟེང་ཞོ་འཐུང་བ།

ཞོ་འཐུང་ན་ཁྲག་ནང་མངར་ཆའི་ཚད་དོ་མཉམ་དུ་གནས་ཐུབ་པར་མ་ཟད། ཇ་ཐོག་རེའི་རྗེས་སུ་ཞོ་འཐུང་ཐུབ་པ་བྱུང་ན་སྙིང་གི་བདེ་ཐང་ལ་ཡང་ཕན་པ་ཡོད།

ཆུ་ཚོད་17﹕00-ཆུ་ཚོད་19﹕00བར་འགུལ་སྐྱོད་བྱེད་པ།

དུས་འདིར་འཆམ་འཆམ་དུ་འགྲོ་བ་སོགས་འགུལ་སྐྱོད་བྱས་ན་ཧ་ཅང་འཚམ་པོ་ཡིན།

ཆུ་ཚོད་19﹕30་སྟེང་ནུབ་ཇ་ཉུང་ཙམ་འཐུང་རྒྱུ།

དགོང་མོ་ཕོ་བ་རྒྱགས་དྲག་ན་ཁྲག་ནང་གི་མངར་ཆ་ཇེ་མཐོར་འགྲོ་བ་དང་འཇུ་བྱེད་མ་ལག་གི་ཁུར་པོ་ལྕི་རུ་སོང་སྟེ་གཉིད་ལ་བཀག་འགོག་ཐེབས། ནུབ་ཇའི་སྐབས་སྔོ་ཚལ་མང་ཙམ་ཟ་བ་དང་སྤྲི་དཀར་ལྡན་པའི་ཟས་རིགས་ཉུང་ཙམ་བསྟེན་རྒྱུ། ཟས་ཟ་སྐབས་ལྡད་ཡག་བྱས་ཏེ་མིད་དགོས།

ཆུ་ཚོད་21﹕45སྟེང་བརྙན་འཕྲིན་ལ་ལྟ་བ།

སྐབས་འདིར་བརྙན་འཕྲིན་ལ་ལྟ་ཞོར་ངལ་གསོས་ན་གཉིད་ཁུག་རྒྱུར་ཕན་པ་ཡོད། ཡིན་ཡང་ཉལ་ནས་བརྙན་འཕྲིན་ལ་བལྟས་ཚེ་གཉིད་ཀྱི་སྤུས་ཀར་ཤུགས་རྐྱེན་ཐེབས་ངེས།ཆུ་ཚོད་23﹕00སྟེང་ཆུ་ཚན་གྱིས་ཁྲུས་རྒྱག་པ།

ཅིས་མའོ•ཧའོ་ཨུན་གྱིས་བཤད་རྒྱུར། ལུས་ཀྱི་དྲོད་ཚད་མར་བབས་ན་ལུས་སེམས་ལྷོད་གཡེང་དང་གཉིད་བདེ་བར་ཕན་པ་ཡོད་ཟེར།

23﹕30སྟེང་ཉལ་བ།

གལ་ཏེ་ཁྱེད་རང་ཞོགས་པའི་ཆུ་ཚོད་7དང་སྐར་30སྟེང་མལ་ལས་ལངས་པ་ཡིན་ན་སྐབས་འདིར་ཉལ་ཚེ་ཆུ་ཚོད་8ལ་གཉིད་ཁོམ་ཡོད་པས་གཉིད་འདང་བ་ཞིག་ཐོབ་ངེས། །


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1