འཆམ་མཐུན་བདེ་སྐྱིད་འཛོམས་པའི་ཁྱིམ་ཚང་།
ཨ་སྔོན་དབྱིངས་སུ་ཟུག་འདྲའི་ཁྲོ་ལ་རི་བོ་བརྗིད་ཉམས་ལྡན། ཀྱག་ཀྱོག་ལུང་ཁུག་བརྒྱུད་ནས་འབབ་པའི་གསེར་ཆུའི་ལྷུང་སྒྲ་སྙན། སྡེ་དགེ་ལ་བོད་ལྗོངས་ལྷ་ས་དང་ཀན་སུའུ་ཧོ་ཆིས་དང་མཚུངས་པའི་སྐད་གྲགས་ཆོད་པས་གནའ་བོའི་རིག་གནས་ལྟེ་གནས་ཆེན་པོ་གསུམ་གྱི་གྲས་སུ་ཚུད། འདིར་རིག་གནས་ཀྱི་ནང་དོན་ཞིབ་ཆ་ཡོད་པར་བརྟེན། ངོ་མཚར་ཆེ་བའི་གཏམ་རྒྱུད་ཀྱིས་ཁེངས་པའི་མཐོ་སྒང་གི་གནས་མཆོག་ཏུ་གྱུར་པ་རེད། ངོ་མཚར་ཆེ་བའི་ཡུལ་གྲུ་འདིའི་ཐོག་ལ་རྩ་ཆེན་ཕུན་སུམ་ཚོགས་པའི་བསྟན་བཅོས་ཉར་ཚགས་བྱས་ནས་འཛམ་གླིང་དུ་སྐད་གྲགས་ཡོད་པའི་སྡེ་དགེ་པར་ཁང་ཡོད་ལ། བོད་རིགས་ཀྱི་སྙན་ངག་རྟོགས་བརྗོད་གླིང་གེ་སར་རྒྱལ་པོ་དང་འཛམ་གླིང་ཐོག་ཆེས་རིང་བའི་གླིང་གེ་སར་རྒྱལ་པོའི་སྙན་ངག་རྟོགས་བརྗོད་བྱུང་སའི་ཨ་ཕྱུག་རྩྭ་ཐང་ཡོད་པ་རེད། ཟུར་ལུགས་བོད་སྨན་ཆོལ་ཁའི་དཔེ་མཚོན་བྱས་པའི་སྡེ་དགེ་བོད་སྨན་ཁང་སོགས་ཡོད་པར་བརྟེན། འདི་ནི་ཁམས་པའི་རིག་གནས་ཀྱི་ཆོལ་ཁ་དང་ཁམས་བྱང་མཐོ་སྒང་གི་མཛེས་སྡུག་དཔལ་གྱིས་ཕྱུག་པའི་གནས་མཆོག་ཡིན་པ་རེད།
སྔོན་ཆད་ཀྱི་ལྕང་ར་གྲོང་སྡེ།
ད་ལྟའི་ལྕང་ར་གྲོང་སྡེ།
སྔོན་ཆད་ཀྱི་རྒྱལ་སྲུང་གཞུང་ལམ317པ།
ད་ལྟའི་རྒྱལ་སྲུང་གཞུང་ལམ317པ།
འདི་ལ་དུས་ཡུན་ཧ་ཅང་རིང་བའི་ལོ་རྒྱུས་ཀྱི་རིག་གནས་དང་མཛེས་སྡུག་ལྡན་པའི་སྤྱི་ཚོགས་ཀྱི་ཡུལ་སྲོལ་གོམས་གཤིས་ཡོད་པར་མ་ཟད། ལས་ལ་བརྩོན་ཞིང་དཔའ་ངར་ཆེ་བའི་སྡེ་དགེའི་མི་དམངས་ཀྱིས་འགག་སྒྲོལ་དཀའ་སེལ་དང་མུ་མཐུད་མདུན་སྐྱོད། དཔལ་འབྱོར་དང་སྤྱི་ཚོགས་འཕེལ་རྒྱས་ཁྲོད་གཟི་བརྗིད་ལྡན་པའི་གྲུབ་འབྲས་གཅིག་རྗེས་གཉིས་མཐུད་དེ་གསར་གཏོད་བྱས། ང་ཚོའི་བློ་ལ་བརྟན་པོ་ངེས་པའི་རྩ་ཆེན་བརྙན་རིས་བཞག། འདི་ནི་དུས་ཚོད་ཀྱི་རྗེས་ཤུལ་ཡིན་ལ། སྡེ་དགེའི་བུ་དང་བུ་མོ་རྣམས་ཀྱིས་བློ་བརྟན་འགྱུར་མེད་ཀྱིས་གསར་གཏོད་དང་ནུས་ཤུགས་ཡོད་རྒུས་འབད་བརྩོན་དང་མཆོང་སྐྱོད་ལྟ་བུའི་འཕེལ་རྒྱས་ཀྱི་ལོ་རྒྱུས་དཔང་པོ་ནི་དེ་བས་ཀྱང་ཡིན་པ་རེད།།
རིག་གནས་གྲོང་ཁྱེར་མ་བསྐྲུན་སྔོན་གྱི་རྣམ་པ།
རིག་གནས་གྲོང་ཁྱེར་བསྐྲུན་རྗེས་ཀྱི་རྣམ་པ།
བདེ་སྐྱིད་ལྡན་པའི་འཚོ་བ།
འཐུང་ཆུ་གཙང་མ་སྤྱོད་པའི་དགའ་སྣང་།
སྲོལ་རྒྱུན་ལག་རྩལ་དར་རྒྱས་ཕྱིན།
འོ་མའི་དྲིན་གྱིས་ཕྱུག་པོར་ཆགས།
