ཞི་ཅིན་ཕིང་སོགས་འགོ་ཁྲིད་བློ་མཐུན་གྱིས་ཤར་ཕྱོགས་མཁའ་འགྲུལ་ཀུང་སིའི་གནམ་གྲུའི་ཆག་སྒོའི་ནང་རྐྱེན་ལམ་དུ་ཤོར་བའི་སྤུན་ཟླར་ངག་བསྡམས་མྱ་ངན་ཞུས་པ།

        སྤྱི་ཟླ་3པའི་ཚེས་28ཉིན་གྱི་ཕྱི་དྲོ། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་གྲོས་ཚོགས་སྐོང་འཚོགས་བྱས་ནས། ཉེ་དུས་ཀྱི་འབྲེལ་ཡོད་ལས་དོན་ཐད་ལ་ཞིབ་འཇུག་བྱས་པ་རེད། གྲོས་ཚོགས་འགོ་ཚུགས་སྐབས། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་ཞི་ཅིན་ཕིང་ནས་གྲོས་འགོ་བཏོན་གནང་བ་བརྒྱུད། གྲོས་ཚོགས་ལ་ཞུགས་པའི་ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་ཨུ་ཡོན་སོགས་ཡར་བཞེངས་ནས། 3·21ཉིན་ཤར་ཕྱོགས་མཁའ་འགྲུལ་ཀུང་སིའི་MU5735གནམ་གྲུའི་ཆག་སྒོའི་ནང་རྐྱེན་ལམ་དུ་ཤོར་བའི་སྤུན་ཟླར་ངག་བསྡམས་ནས་མྱ་ངན་ཞུས་པ་རེད།