བཀྲ་ཤིས་ལྷུན་པོ་དགོན་གྱི་གནའ་དཔེ་འགྲེམ་ཁང་ལ་སྒོ་བྱང་བཀལ་བ།

རྩོམ་སྒྲིག་པ།ཚེ་དཔལ། ཡོང་ཁུངས།ཀྲུང་གོའི་བོད་ལྗོངས་དྲ་བ། སྤེལ་དུས། 06-08



 


    ཟླ6པའི་ཚེས5ཉིན་གྱི་སྔ་དྲོར། བོད་རང་སྐྱོང་ལྗོངས་རིག་གནས་ཐིང་གིས་གཞིས་ཀ་རྩེ་གྲོང་ཁྱེར་བཀྲ་ཤིས་ལྷུན་པོ་དགོན་དུ་བོད་རང་སྐྱོང་ལྗོངས་དཔེ་མཛོད་ཁང་བཀྲ་ཤིས་ལྷུན་པོ་དགོན་པའི་ཡན་ལག་ཁང་སྟེ། གནའ་དཔེ་སྲུང་སྐྱོང་ལྟེ་གནས་སུ། བཀྲ་ཤིས་ལྷུན་པོ་དགོན་པའི་གནའ་དཔེ་འགྲེམ་ཁང་དང་བོད་རང་སྐྱོང་ལྗོངས་གཟུགས་འདས་རིག་གནས་ཤུལ་བཞག་སྲུང་སྐྱོང་ལྟེ་གནས་ཀྱི་བཀྲ་ཤིས་ལྷུན་པོ་དགོན་པའི་ཡན་ལག་འགྲེམ་ཁང་དུ་སྒོ་བྱང་འགེལ་བའི་མཛད་སྒོ་འཚོགས་པ་རེད། གནའ་དཔེ་འགྲེམ་ཁང་དེའི་སྒོ་འབྱེད་པ་ཡིས་རིག་གནས་ཀྱི་ལམ་ནས་ བོད་བརྒྱུད་ནང་བསྟན་ཀྲུང་གོ་ཅན་དུ་འགྱུར་བར་སྐུལ་འདེད་དང་། བཀྲ་ཤིས་ལྷུན་པོ་དགོན་པའི་རིག་གནས་འཛུགས་སྐྱོང་དེ། སྐས་རིམ་གསར་པ་ཞིག་ཏུ་སླེབས་པ་མཚོན་ཡོད། 

 

 

   བཀྲ་ཤིས་ལྷུན་པོ་དགོན་ནི་པཎ་ཆེན་སྐུ་ཕྲེང་རིམ་བྱོན་གྱི་གདན་ས་ཡིན་པ་དང་། དེར་ལོ་རྒྱུས་རིང་ཞིང་སྲོལ་རྒྱུན་བཟང་པོ་ལྡན། བཀྲ་ཤིས་ལྷུན་པོ་དགོན་པ་དང་ལྷ་སའི“དགོན་སྡེ་ཆེན་པོ་གསུམ”སྟེ། དགའ་ལྡན་དགོན་པ་དང་། སེ་ར་དགོན་པ། འབྲས་སྤུངས་དགོན་པ་བཅས་ལ། བོད་བརྒྱུད་ནང་བསྟན་གྱི་དགེ་ལུགས་པའི“དགོན་སྡེ་ཆེན་པོ་བཞི”ཞེས་འབོད། 

 

 

    

      བཀྲ་ཤིས་ལྷུན་པོ་དགོན་ནི། 1961ལོར་རྒྱལ་སྲིད་སྤྱི་ཁྱབ་ཁང་གིས། རྒྱལ་ཡོངས་ཀྱི་གཙོ་གནད་རིག་དངོས་སྲུང་སྐྱོང་ཚན་པ་ཁག་དང་པོར་ཁྱབ་བསྒྲགས་བྱས། 2017ལོའི་ཟླ8པར། རྒྱལ་ཁབ་ཀྱི་རིམ་པ་ལྔ་པའི་ཡུལ་སྐོར་མཛེས་ལྗོངས་ཁུལ་གྱི་ཆོག་མཆན་ཐོབ་པ་རེད། དགོན་སྡེ་དེར་གནས་སྤོ་ཐུབ་པའི་རིག་དངོས21139ཡོད་ལ། དེའི་ནང་རིམ་པ་དང་པོའི་རིག་དངོས2183དང་། རིམ་པ་གཉིས་པའི་རིག་དངོས6083 རིམ་པ་གསུམ་པའི་རིག་དངོས9830 སྤྱིར་བཏང་གི་རིག་དངོས3043བཅས་ཡོད་པ་རེད། 

  

 

   གསར་འགོད་པས་རྒྱུས་ལོན་བྱུང་བ་ལྟར་ན། བོད་རང་སྐྱོང་ལྗོངས་དཔེ་མཛོད་ཁང་བཀྲ་ཤིས་ལྷུན་པོ་དགོན་པའི་ཡན་ལག་ཁང་སྟེ། བོད་རང་སྐྱོང་ལྗོངས་གནའ་དཔེ་སྲུང་སྐྱོང་ལྟེ་གནས། བཀྲ་ཤིས་ལྷུན་པོ་དགོན་གྱི་གནའ་དཔེ་འགྲེམ་ཁང་དང་། བོད་རང་སྐྱོང་ལྗོངས་གཟུགས་འདས་རིག་གནས་ཤུལ་བཞག་སྲུང་སྐྱོང་ལྟེ་གནས། བཀྲ་ཤིས་ལྷུན་པོ་དགོན་པའི་ཡན་ལག་ཁང་གི་སྒོ་བྱང་བཀལ་རྗེས། བྱེད་ནུས་རིམ་བཞིན་འཐུས་སྒོ་ཇེ་ཚང་དུ་བཏང་སྟེ། རིམ་བཞིན་ཕྱི་ཕྱོགས་ལ་སྒོ་འབྱེད་རྒྱུ་རེད། 


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1