འདི་ནི་མལ་གྲོ་གུང་དཀར་རྫོང་གུང་དཀར་གྲོང་རྡལ་རྒྱལ་བཟང་གྲོང་ཚོའི་གྲོང་མིས་རང་ཁྱིམ་གྱི་སྒོ་འགྲམ་དུ་གཡུལ་ལས་གཏོང་བཞིན་པ།
སྟོན་ཁ་ཤར་ཚུན། བོད་ལྗོངས་ལྷ་ས་གྲོང་ཁྱེར་མལ་གྲོ་གུང་དཀར་རྫོང་གི་ཡུག་གཅིག་ཏུ་འབྲེལ་བའི་གསེར་མདོག་གི་ཞིང་ནང་དུ་ཞིང་པས་སྟོན་བསྡུའི་ལས་ལ་བྲེལ་བའི་རྣམ་པས་ཁེངས་ཡོད། བོད་ལྗོངས་ཀྱི་རིམ་པ་ཁག་དང་སྡེ་ཚན་ཁག་གིས་རིམས་ནད་སྔོན་འགོག་དང་ཚོད་འཛིན་ལ་དམ་འཛིན་ཡག་པོ་བྱེད་པ་དང་ཆབས་ཅིག སྟོན་ལས་ལ་ནུས་ཤུགས་ཡོད་རྒུས་སྐུལ་འདེད་བཏང་ནས་ཞིང་དུས་ལ་འཐུས་ཤོར་མི་འགྲོ་བ་བྱས་ཏེ་འབྲུ་རྡོག་གཅིག་ཀྱང་མི་ལུས་པ་མཛོད་འཇུག་ཐུབ་པའི་འགན་ལེན་བྱས་ཡོད། །
