༢༠༢༣ལོར་མཛོད་དགེ་རྫོང་གིས་མུ་མཐུད་དུ་རྣམ་གྲངས་འཛུགས་སྐྲུན་ལོ་འཁོར་ལས་སྒོ་ཟབ་སྤེལ་སྒོས། གྲོང་གསེབ་ཀྱི་ཐོན་ལས་ཇེ་ལེགས་དང་གྲོང་གསེབ་ཀྱི་འགྲིམ་འགྲུལ་ཇེ་བཟང་། གྲོང་གསེབ་ཀྱི་བཅོས་སྐྱོང་ཇེ་ལེགས་བཅས་སུ་གཏོང་བར་བརྟེན་ཏེ། རྒྱུན་མི་ཆད་པར་དམངས་འཚོར་ཕན་ཞིང་དམངས་སེམས་སྐྱིད་པའི་བྱེད་ཐབས་གང་མང་སྤྱད་པས། རོང་འབྲོག་མང་ཚོགས་ཀྱིས་བདེ་སྐྱིད་ལྡན་པའི་འཚོ་བར་བཅངས་པའི་རེ་སྨོན་མངོན་དུ་གྱུར།
རྫོང་ཁོངས་ཀྱི་ཁྱད་ལྡན་ཞིང་ཕྱུགས་ཐོན་ལས་སྤུས་ལེགས་ངང་འཕེལ་བའི་འཆར་གཞི（༢༠༢༢ནས༢༠༢༧ལོའི་བར）དང་། ཐང་སྐོར་སོགས་ས་ཁུལ་ཆེན་པོ་ལྔའི་གྲོང་གསེབ་ཐོན་ལས་འཆར་འགོད་ཞིབ་ཚགས་བཟོས་ཏེ། མུའུ་ཁྲིའི་པད་ཁ་ལྗོངས་གཟིགས་དང་མིས་འདེབས་གཟན་རྩྭ། ནས་ཀྱི་ཐོན་ལས་ཚད་ལྡན་ཅན། ཤིང་ཏོག་ལི་ཡི་སྐྱེད་ཚལ། གྲོང་གསེབ་ཡུལ་སྐོར་སོགས་ཀྱི་འཛུགས་སྐྲུན་ཇེ་མགྱོགས་སུ་བཏང་། གྲོང་གསེབ་དར་སྤེལ་དང་གྲོང་གསེབ་འཛུགས་སྐྲུན། གྲོང་གསེབ་བཅོས་སྐྱོང་བཅས་ལ་དམིགས་ཏེ། གྲོང་གསེབ་མཛེས་པ་ཅན་ལྔ་སྐོར་ཞིག་བསྐྲུན་པ་དང་། མ་དངུལ་སྒོར་དུང་ཕྱུར༡.༨བཏང་ནས། ཞིང་གྲོང་གཞུང་ལམ་དག་ཐེར་དང་བདེར་སྐྱོད་ལས་གཞི། ཨ་སྐྱིད་ལམ། མཚོ་དབང་ལམ་བཅས་ཀྱི་རྣམ་གྲངས་ལག་བསྟར་བྱས་པ་དང་། ཡུལ་གྲོང༡༠ཡི་གྲོང་སྡེ༢༠ཡི་གཞུང་ལམ་སྤྱི་ལེ༧༧བསྒྱུར་བཀོད་བཏང་། ཟི་ཁྲེང་ལྕགས་ལམ་ཧྲིལ་བོའི་འཛུགས་སྐྲུན་ཇེ་མགྱོགས་སུ་བཏང་བ་དང་། ལྷ་ཁྲོན་མྱུར་བགྲོད་གཞུང་ལམ་རྣམ་གྲངས་འཛུགས་སྐྲུན་གྱི་དུས་སྐབས་སྔ་མའི་ལས་སྒྲུབ་ཇེ་མགྱོགས་སུ་བཏང་བ། སྤྱི་སྤྱོད་གནམ་གྲུ་ཐང་གི་ཞིབ་མཆན་ཇེ་མགྱོགས་སུ་བཏང་སྟེ། ནུས་ཤུགས་ཡོད་རྒུས་ཤར་བགྲོད་དང་བདེ་འཇགས། སྐྱིད་པོ། མཛེས་སྡུག་བཅས་ཀྱི་འགྲོ་འོང་ཁོར་ཡུག་བསྐྲུན་པར་འབད། དེ་དང་མཉམ་དུ་སྡེ་དམངས་ཀྱིས་རང་སྐྱོང་དང་ལུགས་སྲོལ་ལེགས་སྒྱུར། དོན་དག་གཅིག་ལ་གྲོས་སྡུར་གཅིག་བཅས་ཀྱི་ལམ་ལུགས་དོན་འཁྱོལ་སྒོས། ཡ་རབས་ཁྱིམ་ཚང་དང་མཛོད་དགེ་བ་ཡག་ཤོས་སོགས་ཀྱི་དཔྱད་འདེམས་བྱེད་སྒོ་སྤེལ་ཏེ། ནུས་ཤུགས་ཡོད་རྒུས་མཛེས་པ་ལྔའི་གྲོས་གསེབ་འཛུགས་སྐྲུན་ལ་འབད།
