དབའ་སྲས་སམ་ནོར་བཀྲ་ནི1999ལོའི་ཟླ6པའི་ཚེས17ལ་མཚོ་སྔོན་ནང་ཆེན་ལྕི་སྲིབ་གྲོང་སྡེའི་གླང་ཚ་ཐང་གི་འབྲོག་ཁྱིམ་ཕལ་བ་ཞིག་ཏུ་སྐྱེས། ཆུང་དུས་ཡུལ་ཚོའི་བཅའ་སྡོད་སློབ་ཆུང་འགྲིམས། དུས་ཕྱིས་རྐྱེན་དུ་མའི་དབང་གིས་རིམ་པར་སློབ་གྲྭར་འགྲོ་བའི་གོ་སྐབས་མ་བྱུང་། ད་ལྟའི་བར་ཁྱིམ་གྱི་སྒོ་ཕྱུགས་འཚོ་བའི་རྫི་བོ་ཞིག་ཏུ་ཆགས་ནས་རྒྱུན་དུ་ས་གནས་རང་གི་ཕྱི་སྣོད་ཀྱི་ཁོར་ཡུག་གི་འགྱུར་བ་དང་། ནང་བཅུད་ཀྱི་སེམས་ཅན་སྲོག་ཆགས་མང་པོ་རྩེ་དགར་རོལ་བའི་རྣམ་པ་མཐོང་བས། པར་བླངས་ནས་ཉར་ཚགས་བྱེད་པའི་གོམས་སྲོལ་ཆགས་ཏེ་རིམ་བཞིན་དགའ་ཕྱོགས་ཤིག་ཏུ་གྱུར།