༄༅།།སྲིད་པའི་ནས་འབྲུ་སྔོན་མོ་འཁྲུངས་རབས་ཀྱི་སྐོར།

མི་གསལ། རྩོམ་སྒྲིག་པ།དབང་ཆེན།ཡོང་ཁུངས།ངེད་དྲ་བ། སྤེལ་དུས། 05-11


དྲི་བ། རྫ་ཟོར་བ་འདྲ་བའི་ཕར་ནང་ན། ། བྲག་མདའ་སྒྲོ་འདྲ་བའི་ཚུན་ཆད་ན། ། ཕ་བོང་དཀར་པོའི་ཁྲི་ཐོག་ན། །ལྷ་ཚངས་པ་དཀར་པོ་མཚམས་ལ་བཞུགས། ། ལོ་མཚམས་བཞུགས་ནས་ཅི་ཞིག་བསྒྲུབས། ། ཟླ་མཚམས་བཞུགས་ནས་ཅི་ཞིག་བསྒྲུབས། །བདུན་མཚམས་བཞུགས་ནས་ཅི་ཞིག་བསྒྲུབས། །


ལན། ཕ་བོང་དཀར་པོའི་ཁྲི་ཐོག་ནས། །ལྷ་ཚངས་པ་དཀར་པོ་མཚམས་ལ་བསྡད། ། ལོ་མཚམས་བསྡད་ནས་བུམ་པ་བསྒྲུབས། །བུམ་པའི་ཁ་ལ་ཅི་ཞིག་བསྒྲུབས། །ཟླ་མཚམས་བསྡད་ནས་བུམ་རྫས་བསྒྲུབས། །བུམ་པའི་ཞབས་ལ་ཅི་ཞིག་བསྒྲུབས། །


 དྲི་བ། ལོ་མཚམས་བསྡད་ནས་བུམ་པ་བསྒྲུབས། །བུམ་པའི་ཁ་ལ་ནས་དཀར་བསྒྲུབས། །ཟླ་མཚམས་བསྡད་ནས་བུམ་རྫས་བསྒྲུབས། །བུམ་པའི་སྐེད་ལ་ནས་སྔོན་བསྒྲུབས། ། བདུན་མཚམས་བསྡད་ནས་བུམ་ཆུ་བསྒྲུབས། །བུམ་པའི་ཞབས་ལ་ནས་ནག་བསྒྲུབས། །བསྒྲུབས་པའི་ནས་གསུམ་བོར་སོང་གཟིག །དེ་རྐུས་པའི་རྐུན་མ་སུ་ཡིན་ཤོད། །


ལན། ནས་དཀར་རྐུ་ནོ་བྱ་དཀར་རེད། །ནས་སྔོན་རྐུ་ནོ་བྱ་སྔོན་རེད། ། ནས་ནག་རྐུ་ནོ་བྱ་ནག་རེད། །བྱ་དེ་གསུམ་འགུག་པ་ཅི་བས་བཀུག །


 དྲི་བ། ཁིས་གོང་མའི་ནང་ནས་རྙི་ཞིག་བཙུགས། །རྙི་དཀར་ནང་ལ་བྱ་དཀར་བཟུང་། ། བྱ་དཀར་ཁ་ནས་ནས་དཀར་བླངས། ། ཁིས་བར་མའི་ནང་དུ་རྙི་སྔོན་བཙུགས། ། རྙི་སྔོན་ནང་ལ་བྱ་སྔོན་བཟུང་། །བྱ་སྔོན་ཁ་ནས་ནས་སྔོན་བླངས། ། ཁིས་ཞོལ་མའི་ཁ་ནས་རྙི་ནག་བཙུགས། །རྙི་ནག་ནང་ལ་བྱ་ནག་བཟུང་། །བྱ་ནག་ཁ་ནས་ནས་ནག་བླངས། །ནས་དེ་གསུམ་འཁྱེར་ནས་གང་ལ་སོང་། །


ལན། ནས་དེ་གསུམ་འཁྱེར་ནས་དགུང་ལ་སོང་། །དགུང་ཨ་སྔོན་དཀྱིལ་ནས་ས་ཞིག་བཟུང་། ། འབྲུག་ཕོ་ཁྱུང་གཉིས་ལ་གཉའ་ཤིང་བཅོས། །གསེར་གྱི་སྐེ་ཤིང་ཕྲེད་ཀྱིས་བཞག ། དངུལ་གྱི་ཤོག་མདའ་ཕྲེད་ཀྱིས་བཞག །འབྲུག་ཝ་ར་ར་ལ་ཝི་རི་རི། །ས་དེ་ནས་ཞིང་ས་མི་ཉན་གི །ནས་དེ་གསུམ་འཁྱེར་ནས་གང་ལ་སོང་། །


དྲ་ཚིགས་འདིའི་པར་དབང་གངས་ལྗོངས་ཉི་གཞོན་དྲ་བར་དབང་བས་ཕན་ཚུན་ལ་དབང་བཅོལ་མ་བྱས་གོང་རང་དགར་མི་སྤྱོད་པར་མཁྱེན།
དྲ་ཚིགས་དཔང་རྟགས། 蜀ICP备14009601号-1