སྟོད་དབུས་གཙང་གསེར་གྱི་མཆོད་རྟེན་རེད།།
ཆོས་དམ་ཆོས་མགོ་ཡི་ཉི་ཟླ་རེད།།
ནང་བན་ཆུང་སྐེད་ཀྱི་བང་རིམ་རེད།།
ཆོས་ཀུན་རིག་ཁོག་གི་གཟུངས་གཞུག་རེད།།
སྨད་རྒྱ་ནག་དངུལ་གྱི་མཆོད་རྟེན་རེད།།
གོང་དཔོན་པོ་མགོ་ཡི་ཉི་ཟླ་རེད།།
ནང་མང་ཚོགས་སྐེད་ཀྱི་བང་རིམ་རེད།།
ཁྲིམས་བཙན་པོ་ཁོག་གི་གཟུངས་གཞུག་རེད།།
ནང་ཁྲོམ་པ་དུང་གི་མཆོད་རྟེན་རེད།།
ཕ་ཨ་ཁུ་མགོ་ཡི་ཉི་ཟླ་རེད།།
བུ་སྤུན་ཟླ་སྐེད་ཀྱི་བང་རིམ་རེད།།
གླུ་རྩེད་རིགས་ཁོག་གི་གཟུངས་གཞུག་རེད།།
དགུང་ཉི་མ་གནམ་གྱི་སྲོག་ཤིང་རེད།།
ལྷོ་འཛམ་བུ་གླིང་གི་ཕ་མ་རེད།།
དགུན་ཙག་གིས་མི་ཁྱེར་འདི་ཡི་དྲིན།།
དགུང་ཉི་མའི་སྐུ་དྲིན་གླུ་ཡིས་བསྟོད།།
ཆུ་ཆེན་པོ་ས་ཡི་སྲོག་ཤིང་རེད།།
ནང་སྐྱེ་དངོས་སྐྱོང་གི་ཕ་མ་རེད།།
ལྟོགས་སྐོམ་པས་མ་ཁྱེར་འདི་ཡི་དྲིན།།
ཆུ་གཙང་བོའི་སྐུ་དྲིན་གླུ་ཡིས་བསྟོད།།
དཔོན་ཆེན་པོ་དམངས་ཀྱི་སྲོག་ཤིང་རེད།།
དམའ་ཉམ་ཐག་འགྲོ་བའི་ཕ་མ་རེད།།
སྡུག་དཀའ་ལས་མ་ཡོང་འདི་ཡི་དྲིན།།
དཔོན་མཐོན་པོའི་སྐུ་དྲིན་གླུ་ཡིས་བསྟོད།།
སེང་ཨ་དྲུག་གྲུབ་པའི་མཁར་ཁ་ནས།།
གོས་ཡག་པ་ཡོད་ན་མཉམ་གྱོན་བྱོས།།
ཁྱིམ་བཟའ་ཚང་སྡོང་མགོའི་བྱ་ཚང་འདྲ།།
བྱ་ཚང་ནས་ནམ་འཕུར་ཆ་མེད་རེད།།
སེང་ཨ་དྲུག་གྲུབ་པའི་མཁར་རྐེད་ནས།།
གླུ་སྙན་མོ་ཡོད་ན་མཉམ་ལེན་བྱོས།།
སྤུན་ན་ཟླ་དོང་ནང་མེ་ཏོག་འདྲ།།
དགྲ་བ་མོས་ནམ་འཁྱེར་ཆ་མེད་རེད།།
སེང་ཨ་དྲུག་གྲུབ་པའི་མཁར་རྟིང་ནས།།
ཟས་ཞིམ་པོ་ཡོད་ན་མཉམ་ཟ་བྱོས།།
དྲིན་ཕ་མ་ལ་མགོའི་ཉི་ཟེར་འདྲ།།
ནག་འཚུབ་སེར་ནམ་འགྲོ་ཆ་མེད་རེད།།
