2021ལོ་དང་2022ལོར། ནན་ལུའོ་གཙང་པོ་རྒྱུག་ཁུལ་དུ་གནའ་རྫས་རྟོག་ཞིབ་བྱས་པ་བརྒྱུད་ས་རིམ་གྱི་མཐུག་ཚད་སྨི་24ཟིན་པར་དངོས་པོ་སྔོག་འདོན་ཐེངས་དང་པོ་བྱས་ཏེ་ད་བར་ལོ་ཁྲི་110ནས་ལོ་ཁྲི་3ཙམ་བར་གྱི་ཁྱོན་ལོ་ཁྲི་ཕྲག་ལྷག་ཙམ་རྒྱུན་མཐུད་པའི་གནའ་བོའི་མིའི་རིགས་ཀྱི་རིག་གནས་གནའ་ཤུལ་རྙེད་པ་རེད། 2019ལོ་ནས་2023ལོ་བར།་རྨ་ཆུའི་ངོགས་དང་དེ་བཞིན་རྨ་ཆུའི་ཡན་ལག་གཙང་པོ་སྟེ་ཝུའུ་ཏིང་གཙང་པོ་དང་པེ་ལུའོ་གཙང་པོ་སོགས་རྒྱུག་ཁུལ་དང་དེ་བཞིན་ཆིན་ལིང་རི་བོའི་བྱང་རྒྱུད་ནས་རྡོ་ཆས་རྙིང་པའི་སྐབས་ཀྱི་གནའ་ཤུལ་150ལྷག་ཙམ་རྙེད་ཅིང་། རྡོ་ཆས་ཀྱི་ལག་རྩལ་ལམ་རྣམ་པ་འདྲ་མིན་སྣ་ཚོགས་ཡོད་པ་དེ་ཐོག་ནས་ད་བར་ལོ་ངོ་ཁྲི་70ལྷག་ཙམ་ནས་ལོ་ཁྲི་1ཙམ་བར་གྱི་སྔ་རྗེས་སུ་གནའ་བོའི་མིའི་རིགས་མི་རབས་ནས་མི་རབས་བར་ཉམས་པ་མེད་པར་འཚོ་གནས་བྱེད་པའི་ལོ་རྒྱུས་ཀྱི་དོན་དངོས་མཚོན་གྱི་ཡོད།  2022ལོ་དང་2023ལོར། ཝུའེ་པེ་ཧྲི་ཁྲོན་གཙང་པོ་རྒྱུག་ཁུལ་ནས་རྡོ་ཆས་རྙིང་པའི་གནའ་ཤུལ་ཐོག་མར་རྙེད་པ་དེ་ལས་གནའ་བོའི་མིའི་རིགས་ཀྱིས་གནས་དེར་འཚོ་སྡོད་བྱས་པའི་ལོ་རྒྱུས་དེ་ཧ་ལམ་ལོ་ངོ་ཁྲི་60ཙམ་གྱི་གོང་དུ་ཡིན་པ་མཚོན་པ་དང་། དུས་མཚམས་མི་འདྲ་བའི་གྲངས་འབོར་ཕུན་སུམ་ཚོགས་པ་དང་རྣམ་པ་སྣ་ཚོགས་ཀྱི་རྡོ་ཆས་བཟོ་སྟངས་དེ་ཐོག་ནས་སྣ་མང་ཕུན་སུམ་ཚོགས་པའི་གནའ་བོའི་མི་ཚོགས་ཀྱི་ཐོན་སྐྱེད་དང་འཚོ་བའི་རྣམ་པ་ངང་གིས་མངོན་གྱི་ཡོད།  གོང་གསལ་གྱི་གནའ་ཤུལ་དེ་དག་རྙེད་པ་དེས་རྨ་ཆུ་རྒྱུག་ཁུལ་གྱི་གནའ་བོའི་རིག་གནས་ལ་ཞིབ་འཇུག་བྱ་རྒྱུར་རྩ་ཆེའི་དཔྱད་ཡིག་གསར་པ་མཁོ་འདོན་བྱས་པ་དང་། ཁུལ་དེའི་གནའ་བོའི་མིའི་རིགས་ཀྱི་རྡོ་ཆས་བཟོ་རྩལ་ཐད་མངོན་པའི་རྒྱུན་མཐུད་འཕེལ་རྒྱས་དང་གཅིག་རྒྱུན་གཅིག་འཛིན་གྱི་མངོན་གསལ་དོད་པའི་ཁྱད་ཆོས་ཀྱིས་ལོ་ངོ་ཁྲི་ཕྲག་གི་ནང་རྒྱུན་ཆད་མྱོང་མེད་པའི་རང་རྒྱལ་གྱི་མིའི་རིགས་ཀྱི་འཕེལ་རྒྱས་ལོ་རྒྱུས་དེ་བས་ནུས་ལྡན་ངང་ར་སྤྲོད་བྱེད་ཐུབ”ཅེས་ལུའོ་ཝུན་ལི་ཡིས་བཤད།