ཐེ་ཝན་གྱི ETToday གསར་འགྱུར་དྲ་རྒྱས་ཨ་རིའི SANA མཁའ་སྐྱོད་ཀུང་ཟིའི་མཁའ་སྐྱོད་འཕུར་གྲུས་བླངས་པའི་སྐར་མ་མིག་དམར་གྱི་པར་མི་མང་གི་སྤྱན་ལམ་དུ་བསྟར། ཨ་རིའི NASA ཡིས་བླངས་པའི་སྐར་མ་མིག་དམར་གྱི་འདྲ་པར་ཐོག་སྡིག་སྲིན་གྱི་གཟུགས་དབྱིབས་བབ་ཡོད་པ་མ་ཟད་སྡིག་སྲིན་གྱི་གཟུགས་གཞི་ཤིན་ཏུ་ཆེ། UFO ཡི་ཆེད་མཁས་པས་འདྲ་པར་ཐོག་ཏུ་བབ་པའི་སྡིག་སྲིན་གྱི་གཟུགས་དབྱིབས་དེ་ལས་སྐར་མ་མིག་དམར་གྱི་སྟེང་དུ་ཚེ་སྲོག་གསོན་ཡོད་པ་རིགས་འདེད་བྱེད་ཐུབ་ཟེར། 

    ཟླ ༩ པའི་ཚེས ༡༦ ཉིན་མིག་སྔར་ཐེ་ཝན་དུ་ཡོད་པའི 《UFO ཡི་ཉིན་རེའི་གནས་ཚུལ 》གྱི་ཇུས་སྒྲིག་པ་ཧྭ་ལིན་གྱིས་དྲ་ངོས་སུ་སྐར་མ་མིག་དམར་གྱི་འདྲ་པར་ཐོག་སྡིག་སྲིན་གྱི་དབྱིབས་བབ་ཡོད་དང་། UFO ཡི་ཆེད་མཁས་པས་པར་དེ་གཞིར་བཟུང་ནས་སྐར་མ་ མིག་དམར་ཐོག་ཚེ་སྲོག་གསོན་ཡོད་པའི་སྡོམ་ཚིག་བཀོད་པ་མཐོང་འཕྲལ། ཧྭ་ལིན་རང་ཉིད་ཀྱིས་ཀྱང་པར་གཞན་པའི་ཐོག་ནས་དེ་ལྟ་བུ་མཐོང་མྱོང་བ་དང་། སྤྱིལ་བུ་ལྟ་བུའི་གཟུགས་དབྱིབས་ཡོད་པའང་མཐོང་མྱོང་ཟེར། ཁོས་སྤྱིལ་བུ་དེའི་ནང་དུ་གོ་ལ་གཞན་པའི་མི་འཚོ་སྡོད་བྱས་ཡོད་པའང་སྲིད་ཅེས་ཟེར། དེར་མ་ཟད་ཁོས་སྐར་མ་མིག་དམར་གྱི་སྟེང་དུ་ཚེ་སྲོག་གསོན་ཡོད་པ་ཁོ་ཐག་ཡིན་ཏེ། མི་མང་བོས་གནས་ཚུལ་འདི་གོ་ཡོང་དུས་ངོ་མཚར་བའི་གནས་ཤིག་ཏུ་འཛིན་མོད། དེ་ནི་ངོ་མཚར་དུ་འཛིན་དགོས་དོན་མེད་པའི་དངོས་དོན་ཞིག་ཡིན། མིའི་རིགས་ཀྱིས་བྱིས་པ་ཆུང་དུས་ནས་གོ་ལ་གཞན་པར་ཚེ་སྲོག་གཞན་ཤིག་མི་གནས་པར་སློབ་གསོ་རྒྱག་བཞིན་པས། ང་ཚོ་ལ་ཡང་དེ་ལྟ་བུའི་ངོས་འཛིན་སྟངས་དང་བསམ་བློའི་འཁོར་ཕྱོགས་བྱུང་བ་རེད་ཟེར།