2017ལོའི་ཟླ་8པའི་ཚེས་2ཉིན། ཀྲུང་གོའི་ཕོ་བྲང་དངོས་མང་བཤམས་སྟོན་ཁང་བོད་བརྒྱུད་ནང་བསྟན་རིག་དངོས་ཞིབ་འཇུག་ཁང་གི་འགན་འཛིན་པ་ལའོ་ཝིན་ཧྭ་ཡི་སྣེ་ཁྲིད་པའི་ཞིབ་འཇུག་རུ་ཁག་གིས་སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སེར་ཤུལ་རྫོང་བཙན་མདའ་ཡུལ་ཤོག་བཙན་མདའ་དགོན་པའི་དུས་ཡུན་རིང་བོར་སྒོ་བརྒྱབ་པའི་ལྷ་ཁང་ཞིག་ཏུ་ཉར་ཚགས་འཐུས་ཚང་བྱས་པའི་མིང་རྒྱལ་རབས་སྐབས་ཀྱི་ལྡེབས་རིས་དང་འཇམ་བཟོའི་སྐུ་བརྙན་རྙེད་སོན་བྱུང་།

འདི་ནི་མིག་སྔའི་བར་སེར་ཤུལ་རྫོང་དུ་རྙེད་སོན་བྱུང་བའི་བོད་བརྒྱུད་ནང་བསྟན་གྱི་ཤུལ་བཞག་རིག་དངོས་གལ་ཆེན་ཞིག་ཡིན་པ་དང་། དེས་བོད་བརྒྱུད་ནང་བསྟན་ཞིབ་འཇུག་གི་སྐོང་ཆ་མང་པོ་ཞིག་གསབ་སྐོང་བྱས། དགོན་པ་འདིའི་ལྡེབས་རིས་སུ་དགེ་ལུགས་པའི་ལྡེབས་རིས་ཀྱི་ནང་དོན་མངོན་པར་གསལ་ཞིང་། ལྡེབས་རིས་ཀྱི་སྒྱུ་རྩལ་ཁྱད་ཆོས་དང་སྦྲགས་ཏེ་དཔྱད་ན་སྤྱི་ལོ་དུས་རབས་16མས་ཡས་སུ་བྱུང་བ་རྟོགས་ཐུབ། །