2018ལོའི་ཕིང་ཁྲང་དགུན་དུས་ཨོ་རྩལ་འགྲན་ཚོགས་ཀྱི་འགོ་ཚུགས་མཛད་སྒོ་ཕིང་ཁྲང་ཨོ་ལིམ་ཕིག་ལུས་རྩལ་ཐང་དུ་འཚོགས་ཤིང་། ཕིང་ཁྲང་གི་དགུན་དུས་ཨོ་རྩལ་འགྲན་ཚོགས་ཀྱི་ཀྲུང་གོའི་ལུས་རྩལ་འཐུས་ཚབ་ཚོགས་པར་ཁྱོན་བསྡོམས་མི་གྲངས་181ཡོད་པ་དང་། དེ་ལས་ལུས་རྩལ་པ་82ཡོད་པ་རེད། ཁོང་ཚོས་དགུན་དུས་ཀྱི་ཨོ་རྩལ་འགྲན་ཚོགས་ཀྱི་འགྲན་ཚན་ཆེན་པོ་ལྔ་དང་། ཁག་བགོས་ཚན་པ་12 འགྲན་ཚན་ཆུང་བ་55བཅས་ཀྱི་འགྲན་བསྡུར་ལ་ཞུགས་རྒྱུ་ཡིན་པ་རེད། དགུན་དུས་ཀྱི་ཨོ་རྩལ་འགྲན་ཚོགས་ཐེངས་གཉིས་ཀྱི་ཨང་དང་པོ་ལེན་མཁན་ཀྲོའུ་དབྱང་ནི་ཕིང་ཁྲང་གི་ཨོ་རྩལ་འགྲན་ཚོགས་འགོ་ཚུགས་མཛད་སྒོའི་སྐབས་ཀྲུང་གོའི་འཐུས་ཚབ་ཚོགས་པའི་རྒྱལ་དར་སྒྲེང་མཁན་དུ་བསྐོས་ཡོད་པ་རེད།།