སྤྱི་ཚེས་5ཉིན་གྱི་ཕྱི་དྲོ། ཀྲུང་གུང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ལས་ཨུ་ཡོན། རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཝང་དབྱང་ཁོང་ཡོད་སའི་སི་ཁྲོན་འཐུས་མི་ཚོགས་པར་ཕེབས་ནས། འཐུས་མི་ཚོ་དང་ལྷན་དུ་སྲིད་གཞུང་གི་ལས་དོན་སྙན་ཞུར་གྲོས་ཞིབ་གནང་།
འཐུས་མི་ཚོའི་གཏམ་བཤད་ལ་གསན་རྗེས། ཝང་དབྱང་གིས་ཏང་གི་ཚོགས་ཆེན་བཅོ་བརྒྱད་པ་ཚོགས་ཚུན་གྱི་ལོ་ལྔའི་རིང་། རང་རྒྱལ་གྱི་དཔལ་འབྱོར་བརྟན་པོའི་ངང་གོང་འཕེལ་བྱུང་བ་དང་། གྲུབ་ཚུལ་ཟམ་མི་ཆད་པར་ལེགས་བཅོས་ཐུབ་པ། སྤུས་ཚད་མངོན་གསལ་དོད་པོས་གོང་མཐོར་ཕྱིན་པ། མང་ཚོགས་ལ་ཐོབ་པའི་ཕན་པ་དངོས་མངོན་གསལ་དོད་པོས་མང་དུ་ཕྱིན་པ། ཏང་དང་རྒྱལ་ཁབ་ཀྱི་བྱ་བཞག་ལ་ལོ་རྒྱུས་རང་བཞིན་གྱི་གྲུབ་འབྲས་དང་ལོ་རྒྱུས་རབ་བཞིན་གྱི་འགྱུར་ལྡོག་བྱུང་ཡོད། དེ་ནི་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་སྲ་བརྟན་འགོ་ཁྲིད་གནང་བའི་གྲུབ་འབྲས་དང་། རིམ་ཁག་སྲིད་གཞུང་གིས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་ནན་ཏན་བྱས་པའི་གྲུབ་འབྲས་ཡིན། ཙུང་ལི་ལི་ཁེ་ཆང་གིས་གནང་བའི་སྲིད་གཞུང་གི་ལས་དོན་སྙན་ཞུ་ནི། ཏང་གི་ཚོགས་ཆེན་བཅོ་དགུ་པ་དང་། སྐབས་བཅོ་དགུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་ཁྱོན་ཡོངས་ནས་ལག་བསྟར་བྱེད་པ་དང་། འདས་ཟིན་པའི་ལས་དོན་ལ་དངོས་ཡོད་གནས་ཚུལ་དང་མཐུན་ལ་ཁྱོན་ཡོངས་རང་བཞིན་གྱི་ཕྱོགས་བསྡོམས་གནང་བ་ཞིག་ཡིན་པ་དང་། ད་ལོའི་ལས་དོན་བཀོད་སྒྲིག་གི་གཙོ་གནད་འབུར་དུ་ཐོན་ཞིང་། བདེན་འཚོལ་དངོས་སྒྲུབ་དང་། སྟོབས་ཤུགས་གཅིག་སྒྲིལ་གྱི་སྙན་ཞུ་བཟང་པོ་ཞིག་ཡིན་པས་ང་རྦད་དེ་མོས་མཐུན་ཡོད་ཅེས་གསུངས།།
