ཀྲུང་གོའི་ཆང་བ་ལིའི་ཕ་ས་རུ་འབོད་པའི་ཆུ་ཆེན་ལུང་པ་རུ་དཔྱིད་ཟླ་གསུམ་པ་ཚེས་པའི་སྐབས་སུ། རུ་ཀླུང་ཀུན་ཏུ་ཆང་བ་ལིའི་མེ་ཏོག་རྣམ་པར་བཞད་ནས་ཡིད་ཀྱི་སྣང་བ་འགོག་མེད་དུ་འགུག་པར་བྱེད། ཆང་བ་ལིའི་ཞིང་ཁམས་འདིར་འཚོ་བའི་མི་རྣམས་ཀྱང་མདངས་མཛེས་མེ་ཏོག་ཁྲོད་ན་བདེ་སྐྱིད་ཀྱི་དཔལ་ལ་རོལ་བཞིན་ཡོད།
ཁྱིམ་ཚང་འདི་ནི་ཆང་བ་ལིར་བརྟེན་ནས་འཚོ་བ་རོལ་བཞིན་ཡོད་པའི་ཁྱིམ་ཚང་དཀྱུས་མ་ཞིག་རེད། ཞོགས་པའི་དུས་ཚོད་བཞི་ཙམ་གྱི་སྟེང་ནས་ལོ་ན་ང་དྲུག་ལ་སོན་པའི་ལིའུ་བས་ཅན་དང་ཁོའི་བུ་ལིའུ་ཤིན་ཧུ་གཉིས་ཀྱིས་གདུས་ཟིན་པའི་ཆང་བ་ལིའི་ཁུ་བ་བཙག་ནས་ཁཎྜ་ཕབ་པར་གྲ་སྒྲིག་བྱེད་ཀྱིན་འདུགལིའུ་བས་ཅན་གྱིས་ཆང་བ་ལིའི་ཁནྜ་ཕབ་ཚུལ་འདི་ནི་མེས་པོ་གོང་མ་རྣམས་ཀྱི་ལག་ལེན་ལྟར་ཐོག་མར་ཆང་བ་ལི་གཙང་མར་བཀྲུ་བ་དང་དེ་ནས་ནག་ཐིག་དང་རུལ་སྐྱོན་ཅན་དག་བསལ་དགོས་པ་ཡིན། དེའི་འཕྲོར་སླ་ངའི་ནང་དུ་དུས་ཚོད་བདུན་བརྒྱད་ཙམ་ལ་བཙོ་དགོས་པ་རེད། དེ་ནས་ཁུ་བ་བཙག་རྗེས་ཡང་བསྐྱར་དུས་ཚོད་བདུན་བརྒྱད་ཙམ་ལ་གདུས་ན་ཆང་བ་ལིའི་ཁཎྜ་ཕབ་ཐུབ་སོང་བ་རེད། འདི་ལྟར་བཙོ་སྦྱངས་བྱས་པའི་ཆང་བ་ལིའི་ཁཎྜ་ལ་གཞན་དང་མ་འདྲ་བའི་བྲོ་བ་ཡོད་པ་རེད་ཟེར།
ཆུ་ཆེན་རྫོང་གི་ས་བབ་དང་གནམ་གཤིས་ལེགས་པའི་རྐྱེན་གྱིས་གནས་དེར་སྐྱེས་པའི་ཆང་བ་ལི་ཆེ་ལ་མངར་ཞད་ལྡན་པ་དང་ཆང་བ་ལིས་ཕབ་པའི་ཁཎྜ་ལ་ཀུན་གྱིས་དགའ་བསུ་ཐོབ་ཀྱིན་ཡོད།
ཡེ་ནས་ལཱ་ཡིས་བཤད་རྒྱུར། དེ་རིང་ངས་ཀྱང་ཁཎྜ་ཕབ་པ་ཡིན། དངོས་གནས་དཀའ་ཚེགས་ཆེ་བ་ཞིག་རེད། ཞོགས་པའི་དུས་ཚོད་བཞིའི་སྟེང་བཙོས་ནས་དུས་ཚོད་བཅུའི་བར་མཚམས་མ་ཆད་པར་དཀྲུགས་པ་ཡིན། དེ་ལྟར་མ་བྱས་ན་བཅུད་འབུད་མི་ཐུབ་པ་རེད། ངས་བལྟས་ན་རྒྱུན་བསྐྱངས་ནས་ཡོང་བའི་སྲོལ་རྒྱུན་གྱི་བྱ་དངོས་འདི་མཆོག་གྱུར་གྱི་ཐོན་རྫས་ཤིག་ཡིན་ཁོ་ཐག་རེད། དེའི་མ་ཚད་ཕན་ནུས་ཀྱང་ངེས་ཅན་འདུག
