ཟླ་4ཚེས་15ཉིན། བོད་ལྗོངས་ཉིང་ཁྲི་གྲོང་ཁྱེར་ཀོང་པོ་རྒྱ་མདའ་རྫོང་གིས་ཡུལ་སྐོར་དུས་ཚིགས་ཀྱི་འགོ་འཛུགས་བྱེད་སྒོ་ས་གནས་དེ་གའི་བྲག་ཆུ་གྲོང་རྡལ་ལ་རུ་གྲོང་ཚོ་ནས་དུས་ལྟར་སྤེལ་བ་རེད། ཀོང་པོ་རྒྱ་མདའ་རྫོང་ནི་ཉིང་ཁྲི་གྲོང་ཁྱེར་གྱི་ནུབ་བྱང་རྒྱུད་ན་ཡོད་ལ། ཁྲོན་བོད་གཞུང་ལམ་རྫོང་ཡོངས་སུ་རྒྱུ་ཡོད་པ་དང་། རྫོང་ཁོངས་སུ་5Aརིམ་པའི་མཛེས་ལྗོངས་ཁུལ་དང་རྒྱལ་ཁབ་སྤྱི་གླིང་སོགས་ཀྱི་ཡུལ་སྐོར་ཐོན་ཁུངས་ཡོད་པ་རེད། ཉེ་བའི་ལོ་ཤས་རིང་། ཀོང་པོ་རྒྱ་མདའ་རྫོང་གིས་ཐོན་ཁུངས་ཀྱི་ལེགས་ཆར་བརྟེན་ནས་སྣོད་བཅུད་ཡུལ་སྐོར་དེ་གཙོ་གནས་ཐོན་ལས་བྱས་ཏེ་ཁྱད་ལྡན་ཡུལ་སྐོར་རིག་གནས་སྤེལ་བ་ལས་ནུས་ལྡན་ངང་མང་ཚོགས་ཀྱི་ཡོང་འབབ་མང་དུ་བཏང་ཡོད་པ་རེད།