འབར་མ་སྲིད་གཞུང་དང་གྲངས་ཉུང་མི་རིགས་དྲག་ཆས་རྩ་འཛུགས་ཀྱི་རྒྱལ་ཡོངས་ཀྱི་འཁྲུག་རྩོད་མཚམས་འཇོག་པའི་གྲོས་མཐུན་འཆར་ཟིན་སྐོར་གྱི་གྲོས་མོལ་སྐོར་ཐེངས་ལྔ་བ་ཚེས་17ཉིན་མཇུག་སྒྲིལ་བ་དང་། ཕྱོགས་གཉིས་ཀྱི་མཉམ་འབྲེལ་གྱི་གསར་འགྱུར་སྤྱི་སྒྲོག་ལས་བཤད་རྒྱུར། རྒྱལ་ཡོངས་ཀྱི་འཁྲུག་རྩོད་མཚམས་འཇོག་པར་ཐུན་མོང་གི་ལྟ་ཚུལ་མང་བོ་བྱུང་བ་དང་། གྲོས་མཐུན་དེའི་གྲོས་མོལ་དེ་མི་འགྱངས་པར་ཡོངས་འགྲུབ་བྱེད་རྒྱུ་རེད།
          ཕྱོགས་གཉིས་ཀྱི་གྲོས་མོལ་ལ་ཞུགས་པའི་འབྲེལ་ཡོད་མི་སྣས་གསར་འགོད་པའི་སྣེ་ལེན་ཚོགས་འདུའི་སྟེང་བཤད་རྒྱུར། ཕྱོགས་གཉིས་ཀྱིས་ཟླ་9བར་གྲོས་ཆོད་འཆར་ཟིན་གྱི་ནང་དོན་རེ་འགར་མུ་མཐུད་དུ་གྲོས་མོལ་བྱེད་པར་འཐད་པ་བྱུང་ཡོད་ལ། རྒྱལ་ཡོངས་ཀྱི་འཁྲུག་རྩོད་མཚམས་འཇོག་པའི་གྲོས་མཐུན་དེ་ཟླ་10བར་དངོས་སུ་འགོད་ཐུབ་པའི་རེ་བ་ཡོད་ཟེར།