ཟླ4པའི་ཚེས7ཉིན་གྱི་ཕྱི་དྲོར་འབར་ཁམས་གྲོང་ཁྱེར་རྫོང་འགག་གྲོང་རྡལ་ཆུ་ཕོ་གྲོང་ཚོའི་རུ་ཁག་དང་པོའི་ཞིང་བ་རྣམས་ཞིང་ཁ་རུ་བྲེལ་འཚུབ་ཀྱིས་ཁེངས་འདུག ཕྱི་དྲོ་ཧྲིལ་བོའི་རིང་ལ་གྲོང་བ་རྣམས་ཀྱིས་ཞིང་ཁ་རུ་སྔོ་ཚལ་དྲོད་ཁང་ཕུབ་པ་དང་པ་དང་། ཞིང་སའི་གཤིན་ཚད་ལ་བརྟག་པ། སིལ་སྡོང་དུ་ཆུ་འདྲེན་པ་སོགས་བྲེལ་བས་བཟུང་འདུག ནམ་ཟླ་ཇེ་དྲོར་ཕྱིན་པ་དང་བསྟུན་ནས་རང་ཁུལ་གྱི་ས་ཁུལ་སོ་སོར་དཔྱིད་དུས་ཀྱི་རྨོད་འདེབས་ལས་ལ་བྲེལ་བའི་རྣམ་པས་ཁེངས་འདུག
         རྒྱུས་ལོན་པར་གཞིགས་ན། ཐབས་ལམ་སྣ་ཚོགས་ཀྱི་སྒོ་ནས་ཆུ་ཕོ་གྲོང་ཚོའི་ལས་བྱེད་པས་མང་ཚོགས་ལ་རྨོད་འདེབས་རྣམ་པ་གསར་དུ་གཏོད་པར་རྟིང་སྐུལ་བྱས་ཏེ། ལས་སླ་ཞིང་སྟབས་བདེ་བ། གོང་དམའ་བའི་རིགས་ཀྱི་སྨྱུག་མ་དང་ཤིང་གི་སྒྲོམ་གཞི་ཅན་གྱི་སྔོ་ཚལ་དྲོད་ཁང་ཕུབ་སྟེ། གྲོང་བ་རྣམས་ལ་དུས་ཚིགས་ལས་ལྡོག་པའི་སྔོ་ཚལ་ལེན་པ་དང་། མཐོ་སྒང་གི་དཔྱིད་ཀའི་རྨོད་འདེབས་རྣམ་པ་འཐུས་ཚང་དུ་བཏང་ངོ་།
        ད་ནི་རྨོད་འདེབས་ལ་གྲ་སྒྲིག་གི་དུས་སྐབས་བཟང་པོ་ཡིན་པས། ཟླ་གསུམ་པ་ནས་བཟུང་ཞིང་བ་མང་ཚོགས་ཀྱིས་རྨོད་འདེབས་ཐོན་སྐྱེད་ལག་ཏུ་བསྟར་བ་ནས་བཟུང་། འབར་ཁམས་གྲོང་ཁྱེར་གྱིས་དཔྱིད་ཀའི་རྨོད་འདེབས་ལས་དོན་དང་གཞིར་བཟུང་སྟེ། ལས་བྱེད་པ57གྱིས་གྲུབ་པའི་རྨོད་འདེབས་ཞབས་ཞུའི་ཚོ་ཆུང14རྩ་འཛུགས་བྱས་ཏེ། རྫོང་ཡོངས་ཀྱི་སྲིད་འཛིན་གྲོང་ཚོའི་ས་ཚིགས105རུ་ཟླ་ངོ་གཅིག་རིང་གི་དབུལ་རོགས་བྱེད་སྒོ་སྤེལ་བ་དང་། གཞི་རིམ་དུ་སོང་སྟེ་དཔྱིད་དུས་ཀྱི་རྨོད་འདེབས་ལས་དོན་ལ་རམ་འདེགས་ཀྱིས་མང་ཚོགས་ལ་ཕན་པ་བསྐྲུན་ཡོད།
      བྱེད་སྒོ་རུ་ལས་དོན་ཚོ་ཆུང་སོ་སོས་མང་ཚོགས་ཀྱི་ཁེ་ཕན་དང་ཐད་ཀར་འབྲེལ་བ་ཡོད་པའི་དོན་དག་ཕྲན་ཚེགས་ནས་མགོ་བརྩམས་ཏེ་འཚོ་བའི་དཀའ་ཁག་མང་པོ་བསལ་ཞིང་། ད་ལྟའི་བར་དུ་འབར་ཁམས་གྲོང་ཁྱེར་གྱིས་མང་ཚོགས་ལ་ཁྱོན་གོན་པ60ལྷག་དང་། འཚམ་དངུལ་སྒོར14000ཕུལ་ལ། རྨོད་འདེབས་ཐོན་སྐྱེད་དངོས་རྫས་ཁ་ཤས་ཀྱང་སྟེར་ཡོད། ཞོར་དུ་གཞི་རིམ་གྱི་གྲོང་རྡལ་ཏང་ཨུའི་ཏང་གི་རྩ་འཛུགས་ལས་དོན་ལ་རམ་འདེགས་ཀྱིས་རོང་འབྲོག་མཚན་མོའི་སློབ་གྲྭ་རུ་སྲིད་ཇུས་ཁྲིམས་ལུགས་ཁྲིམས་སྲོལ་དྲིལ་སྒྲོག་བྱེད་སྒོ་ཐེངས220ལྷག་སྤེལ།
      གསར་འགོད་པས་མཛོད་དགེ་རྫོང་ཚོང་རུ་ཡུལ་ཚོའི་ལྷ་རྩེ་སྒུ་གྲོང་ཚོ་ནས་མཐོང་བར། དཔྱིད་ཀའི་རྨོད་འདེབས་སློབ་ཐུན་ཚ་ཚ་འུར་འུར་གྱིས་འཚོག་གིན་ཡོད་ལ། འདི་ནི་ཉིན་འགའི་སྔོན་ལ་ཚོང་རུ་ཡུལ་ཚོའི་རྟོག་ཞིབ་ཚོ་ཆུང་བཙུགས་ཏེ་ཀན་སུའུ་ཞིང་ཆེན་མེན་རྫོང་གི་ཀྲུང་ལུགས་སྨན་རྩྭའི་ཁྲོམ་ར་དང་ཉེ་འཁོར་གྱི་ཀྲུང་ལུགས་གསྨན་རྩྭའི་སྣ་འཛོམས་ཉོ་ཚོང་ཁྲོམ་ར་བཅས་ནས་བརྟག་ཞིབ་བགྱིས་ཏེ། སྨན་རྩྭའི་རྒྱུ་སྤུས་དང་། ཁྲོམ་རའི་རིན་གོང་། ཉོ་འཚོང་བརྒྱུད་ལམ་སོགས་ཀྱི་རྒྱུས་ཞིབ་ཏུ་བླངས་ཤིང་། རྟོག་ཞིབ་ཚོ་ཆུང་གི་ལས་བྱེད་པས་ཤེས་བྱ་དག་གྲོང་བ་རྣམས་ལ་འཁྲིད་ཀྱིན་ཡོད།
      རྒྱུས་ལོན་པ་ལྟར་ན། མཛོད་དགེ་རྫོང་ཚོང་རུ་ཡུལ་ཚོས་ཆེད་དམིགས་ཀྱིས་མའོ་རྫོང་གི་གཡེར་མ་འདེབས་འཛུགས་མཉམ་ལས་ཁང་གདན་དྲངས་ཏེ་སྡེ་བ་སོ་སོའི་ཁྱིམ་ཚང་སོ་སོའི་སྒོ་དྲུང་དུ་སོང་ནས་ལག་རྩལ་གྱི་མཛུབ་སྟོན་བྱས་ཏེ། དམངས་བྱིངས་ཀྱི་དཀའ་ངལ་ཐག་གཅོད་པར་ཆེད་དམིགས་ཞབས་ཞུའི་ཁག་ཐེག་བྱས།
       སྡེ་བའི་ལས་བྱེད་པས་གསར་འགོད་པར་བཤད་རྒྱུར། ད་ལོ་སྡེ་བ་རུ་སྲད་དཀར་མུའུ100ལྷག་བཏབ་སྟེ་སྡེ་བ་ཡོངས་ཀྱི་ཐོན་ལས་གཙོ་ཤོས་སུ་བརྩིས་ཏེ་ཐུན་མོང་དཔལ་འབྱོར་གོང་དུ་སྤེལ་བ་ཡིན་ལ། ཁྱོན་མ་དངུལ་སྒོར་ཁྲི29བཏང་ཞིང་། སྔོན་དཔག་ལྟར་ན་མུའུ་རེ་ནས་སྒོར5000ལེན་ཐུབ་རྒྱུ་རེད།
       ཉེ་ཆར་ཆུ་ཆེན་རྫོང་ཞིང་ལས་འཕྲུལ་ཆས་ཅུས་ཀྱིས་ཞིང་དངོས་ཚོང་ཁང་དང་། ཞིང་ལས་འཕྲུལ་ཆས་ཐོན་སྐྱེད་ཁེ་ལས། བར་ཁེའི་ཚོང་ཁང་། ས་སློག་འཕྲུལ་ཆས་དང་སོན་འདེབས་འཕྲུལ་ཆས་སོགས་ཀྱི་ཞིག་གསོའི་ཞབས་ཞུའི་ལས་དོན་ལ་བརྟག་ཞིབ་བྱས་ཏེ། ཞིང་ལས་འཕྲུལ་ཆས་ཀྱིས་རྨོད་འདེབས་ལམ་ལྷོང་ཡོང་བར་ཁག་ཐེག་བྱས་ཤིང་། ད་དུང་བར་ཁེའི་ཚོང་དུ་ཞིང་ལས་འཕྲུལ་ཆས་དང་ལྷུ་ལག་དུས་ཐོག་འདོན་ཐུབ་པའི་རེ་བ་བཏོན།
      ད་དུང་ལིས་རྫོང་དང་རྔ་བ་རྫོང་སོགས་ཀྱིས་ཞིང་བ་མང་ཚོགས་ཀྱང་བྲེལ་བས་ཁེངས་ཤིང་། ཞིང་ཁ་རུ་མ་རྨོས་ལོ་ཏོག་དང་། ཞོག་ཁོག ནས་སོགས་འདེབས་ཀྱིན་སོ་ནམ་གྱིས་ལས་ཀར་གྲ་སྒྲིག་གྱ་ནོམ་པ་བྱེད་ཀྱིན་ནོ།།