གོམ་གང་མདུན་སྤོས་སྒོས་ཁ་ལོ་བར་དང་ཐོག་ནས་དོ་དམ་ལེགས་པོ་དང་། གཞི་རྩའི་ཐོག་འགྲིམ་འགྲུལ་བདེ་འཇགས་འདུ་ཤེས་དང་འགྲིམ་འགྲུལ་ཀུན་སྤྱོད་ཀྱི་བྱང་ཚད་མཐོར་འདེགས་གཏོང་བ། དཔལ་ཡོན་ལྡན་ལ་ཤར་བགྲོད་ཐུབ་པའི་གཞུང་ལམ་གྱི་ཁོར་ཡུག་ཞིག་སྐྲུན་པ་དང་། གཞུང་ལམ་ཐོག་ནས་དོན་རྐྱེན་འབྱུང་རྒྱུ་སྔོན་འགོག་དང་ཇེ་ཉུང་དུ་གཏོང་བ་བཅས་ཀྱི་ཆེད་དུ། ཧུང་ཡོན་རྫོང་ཁྲིམས་འཛིན་ཅུས་དང་ཧུང་ཡོན་རྫོང་འགྲིམ་འགྲུལ་ཉེན་རྟོག་རུ་ཁག་གཉིས་མཉམ་འབྲེལ་བྱས་ནས་2018ལོའི་ཟླ་4པའི་ཚེས་28ཉིན་ཁ་ལོ་བའི་བོད་ཡིག་རྒྱུགས་གཞི་དང་འབྲེལ་ཡོད་བཅའ་ཁྲིམས་དྲིལ་སྒྲོག་གསབ་སྦྱོང་ཚོགས་འདུ་འཚོགས་པ།

        ཐེངས་འདིའི་གསབ་སྦྱོང་ལ་ཡུལ་ཚོ་དང་གྲོང་རྡལ་སོ་སོའི་མི་230ལྷག་ཞུགས་ཡོད་པ་རེད།
        གསབ་སྦྱོང་ཚོགས་ཐོག་ཏུ་ཧུང་ཡོན་རྫོང་ཁྲིམས་འཛིན་ཅུས་ཀྱི་དྲིལ་སྒྲོག་མི་སྣས་བོད་སྐད་ཀྱིས་ཁ་གསལ་ལ་གོ་བདེ་བའི་ངང་། གྱོད་དོན་ལ་དབྱེ་ཞིབ་དང་གནད་དོན་གྱི་ཐད་བསམ་བློ་བརྗེ་རེས་བྱེད་པ་སོགས་ཐབས་ཤེས་གང་ལེགས་ཀྱི་སྒོ་ནས། གསབ་སྦྱོང་ཚོགས་འདུར་ཞུགས་པའི་མི་སྣ་ཡོངས་ལ། གཞུང་ལམ་འགྲིམ་འགྲུལ་བཅའ་ཁྲིམས་དང་གཉེན་སྒྲིག་བཅའ་ཁྲིམས། མཁར་གྲོང་འཆར་འགོད་བཅའ་ཁྲིམས། རྩྭ་ཐང་སྐོར་གྱི་བཅའ་ཁྲིམས། མི་དམངས་འདུམ་འགྲིག་བཅའ་ཁྲིམས། ཁྲིམས་ལུགས་རོགས་སྐྱོར་སྲོལ་ཡིག་སོགས་འབྲེལ་ཡོད་བཅའ་ཁྲིམས་དང་སྲོལ་ཡིག་གི་ནང་དོན་དྲིལ་སྒྲོག་བྱས་ནས་དེ་དག་གི་སྐོར་གྱི་ཤེས་བྱར་རྒྱུས་ལོན་ཡག་པོ་བྱེད་དུ་བཅུག་ཡོད། 
        དྲིལ་བསྒྲགས་འདི་ལས་རྒྱ་ཆེའི་ཁ་ལོ་བའི་ཁྲིམས་སྐྱོང་འདུ་ཤེས་ཇེ་མཐོར་བཏང་བ་མ་ཟད། མང་ཚོགས་ཀྱི་ཁྲིམས་སྦྱོང་ཁྲིམས་བརྩི་ཁྲིམས་སྲུང་འདུ་ཤེས་མཐོར་འདེགས་བཏང་ཡོད།