ཉེ་བའི་ལོ་འགའི་རིང་དུ། ཁྲོ་ཆུ་རྫོང་གི་ཡུལ་སྡེ་ཡུལ་སྐོར་གོང་འཕེལ་དང་། སྐྱེས་ཁམས་སྤྱི་ཕན་རང་བཞིན་གྱི་ལས་གནས་བཀོད་སྒྲིག དབུལ་བྲལ་འགག་སྒྲོལ་གྱི་ལས་གཞི་བཅས་ཟུང་དུ་སྦྲེལ་ནས། ཡུལ་དེའི་གནས་བབ་དང་མཐུན་པའི་གོང་འཕེལ་གྱི་ཕྱུག་འགྱུར་བགྲོད་ལམ་ཞིག་རྙེད་པར་བརྩོན་པ་རེད།      
        ཡུལ་སྐོར་རྣམ་ཕྲན་གསུམ་གྱི་འཛུགས་སྐྲུན་གོ་སྐབས་དང་བསྟུན་ནས།2016ལོར། ཅ་ཅུ་སྡེ་བས་མཚོན་མདངས་བཀྲ་བའི་ནགས་ཀླུང་རྒྱབ་ལྗོངས་སུ་བཞག་ནས།སྡེ་བ་ཡོངས་ཀྱི་ཁྱིམ་ཚང་གྱ་ལྔར་རྣམ་པ་མི་འདྲ་བའི་བོད་སྡེའི་རྣམ་པ་ཞིག་ཆགས་འདུག་པས་རི་མོ་བའི་དག་ཞིང་དང་། པར་ལེན་པའི་དགའ་ཚལ་ཞེས་འབོད་ཀྱིན་འདུག་ལ། མིང་གྲགས་ཚད་མུ་མཐུད་དུ་མཐོར་འདེགས་སུ་བཏང་ཡོད། སྡེ་དམངས་བསོད་ནམས་ནོར་རྒྱས་ཀྱིས་འགན་གཙང་ལེན་བྱས་པའི་ཚོང་ར་ཡིས་གཞི་ཁྱོན་རྒྱ་བསྐྱེད་དེ། ཡུལ་དེའི་ཁྱད་ལྡན་ཐོན་རྫས་ཕྱིར་འཚོང་བྱེད་བཞིན་ཡོད་པ་དང་། ཟླ་ཁ་ཤས་ཀྱི་རིང་དུ། བསོད་ནམས་ནོར་རྒྱས་བཟའ་མི་ཡོངས་ལ་སྒོར་ཁྲི་བཅུ་ལྷག་གི་དཔལ་འབྱོར་གྱི་ཡོང་སྒོ་ཡོད་པར་གྱུར་འདུག
        ཁྱད་འཕགས་ཀྱི་ས་གནས་དང་ཕུན་སུམ་ཚོགས་པའི་རྩྭ་རའི་ཐོན་ཁུངས། ནགས་ཚལ་སྟུག་པོ་བཅས་ལ་བརྟེན་ཏེ། སྡེ་དམངས་ཀྱིས་ཡུལ་སྡེ་ཡུལ་སྐོར་གོང་འཕེལ་བྱེད་རྒྱའི་ཐག་བཅད་པས་ཁྲོ་ཆུ་རྫོང་ལ་སྐྱེས་ཁམས་དབུལ་སྐྱོར་ཀྱི་བགྲོད་ལམ་གསར་བ་འཚོལ་ཞིབ་བྱས་ཡོད། སྐྱེས་ཁམས་སྤྱི་ཕན་རང་བཞིན་གྱི་ལས་གནས་མི་སྣས་ཡུལ་དངོས་གསོ་སྦྱོང་ཚོགས་འདུའི་སྟེང་དུ། ནོར་རྒྱས་ཡིག་ཚགས་ཐོ་འགོད་བྱས་པའི་འབྱོར་མེད་ཁྱིམ་ཚང་ཞིག་ཡིན་པའི་ཆ་ནས། ཡུལ་དངོས་ཀྱི་གསོ་སྦྱོང་དུ་ཞུགས་ཡོད་པ་རེད། 
        ན་ནིང་གི་ཟླ་བཅུ་གཉིས་ལ། གང་ས་གང་དུ་བརྒྱུགས་ནས་ལས་ཀ་ལས་རུང་གཏན་འཇགས་ཀྱི་ཡོང་སྒོ་ཞིག་མ་རྙེད་པས་ནོར་རྒྱས་ད་སྐབས་ཅ་ཅུ་སྡེ་བའི་ནགས་སྲུང་མཁན་ཞིག་དུ་བཞག་ཡོད།
        ནགས་སྲུང་མཁན་གྱི་ལས་ཀར་དཀའ་ཁག་ཆེ་ནའང་། ནོར་རྒྱས་ཀྱིས་ས་གཞི་འདིར་རྒྱུ་ནོར་གྱིས་གང་འདུག་པ་ཤེས་རྟོགས་ཟབ་མོ་བྱུང་བ་དང་། ཆ་འཕྲིན་གྱི་གནས་བབས་བཟང་པོ་ལ་བརྟེན་ནས། ཐོན་རྫས་ཕྱིར་འཚོང་བྱས་ནས་ཡོང་སྒོ་མི་ཉུང་བ་ཞིག་བསྐྲུན་ཡོད།
        སྟོན་ཁ་སླེབས་དུས། ནགས་ཀླུང་གི་སྡེ་བ་བསྐོར་འདུག་པས། རྒྱལ་ཡོངས་ཀྱི་ས་གནས་སོ་སོའི་ཡུལ་སྐོར་བའི་མིག་དབང་འཕྲོག་པ་རེད། ད་སྐབས་ནོར་རྒྱས་ཀྱིས་སྤྱི་ཕན་རང་བཞིན་གྱི་ལས་གནས་ལ་བརྟེན་ནས་ཁྱིམ་ཚང་སྐྱོང་བཞིན་ཡོད་པ་དང་། ཡུལ་སྐོར་སྣེ་ལེན་ལ་བརྟེན་ནས་ཕྱུག་འགྱུར་འཚོལ་སྙེག་བྱེད་བཞིན་འདུག
        སྐྱེས་ཁམས་སྤྱི་ཕན་རང་བཞིན་གྱི་ལས་གནས་སུ་ཞུགས་པའི་མི་སྣ་བཅུ་བཞི་ནོར་རྒྱས་དང་གཅིག་མཚུངས་ཡིན་ལ། ཡིག་ཚགས་ཐོ་འགོད་དབུལ་ཕོངས་ཁྱིམ་ཚང་གི་ངལ་རྩོལ་ལ་བརྟེན་ནས་ལས་ཞུགས་ཐུབ་པ་མངོན་འགྱུར་བྱུང་ཡོད། ཡུལ་སྡེ་ཡུལ་སྐོར་སྣེ་ལེན་ལས་ཡུལ་མི་སྤུན་གྲོགས་རྣམས་ཕྱུག་འགྱུར་འབྱོར་འབྲིང་སྤྱི་ཚོགས་སུ་བསྐྱོད་ཀྱིན་ཡོད། མིག་སྔའི་བར་དུ། ཅ་ཅུ་སྡེ་བའི་མི་རེར་ལོ་རེའི་ཡོང་སྒོ་སྔར་ཡོད་ཀྱི་རྨང་གཞིའི་སྟེང་དུ་མ་དངུལ་སྒོར་སྟོང་དྲུག་དྲུག་བརྒྱ་འཕར་སྣོན་མངོན་འགྱུར་བྱུང་ཡོད།