ཟླ་5ཚེས་22ཉིན། ཀན་སུའུ་ཞིང་ཆེན་ཀན་ལྷོ་ཉིན་རེའི་ཚགས་པར་ཁང་གྱི་སྤྱི་ཁྱབ་རྩོམ་སྒྲིག་པ་གཞོན་པ། མཐོ་རིམ་གསར་འགོད་པ་ཡིད་བློ་གསལ་དང་བཅས་ཀྱིས་འབྲུག་ཆུ་རྫོང་བོད་ཡུལ་ཤང་དུ་བསྐྱོད་དེ་ཡུལ་དངོས་སུ་བོན་གྱི་དཔེ་རྙིང་འཚོལ་བསྡུ་བྱེད་སྐབས། ཡུན་ནན་བདེ་ཆེན་ཁུལ་གྱི་གནས་རི་ཁ་བ་དཀར་པོའི་སྐོར་གྱི་བོན་གྱི་དཔེ་རྙིང་གསར་རྙེད་བྱུང་ཡོད་ཅིང་། གསར་རྙེད་ཐུབ་པ་དེ་ལས་ཡུན་ནན་གྱིས་བོད་ཀྱི་རིག་གནས་ཞིབ་འཇུག་བྱ་རྒྱུར་རིན་ཐང་ཆེན་པོ་ལྡན་ཡོད་པ་རེད།