ཁང་པ་འདི་ལས་སྐབས་ང་ཁང་སྟེང་ནས་ལྷུང་སྟེ་རྐང་པ་གཉིས་ཆག་པ་རེད། དེའི་སྐབས་འགྲིམ་འགྲུལ་སྟབས་མི་བདེ་བས་དུས་ཐོག་དུ་སྨན་ཁང་ནང་ཡང་འགྲོ་མི་ཐུབ་ནས་ལུས་སོང་། སྐབས་དེར་ང་རང་གཅིན་སྐྱག་གཏོང་ས་ཡང་འགྲོ་མི་ཐུབ་ལ། ཁྱིམ་མི་ཚོས་ནམ་ཡང་ང་བསྲུངས་ནས་གཡོག་དགོས་པས་ཟུར་དངུལ་ཅུང་ཟད་ཀྱང་རག་མི་ཐུབ་པ་རེད། ང་རང་ཡང་ཉིན་རེ་བཞིན་དུ་འཚོ་བ་དེ་འདྲའི་ནང་མི་ཚེ་བསྐྱལ་དགོས་ན་ཧ་ཅང་དཀའ་མོ་རེད། ད་རང་སྲོག་གཅད་ན་དགའ་རྒྱུ་རེད་བསམ་བྱུང་། ཡིན་ན་ཡང་ཤང་དང་རྫོང་དབང་སྐྱོན་ལྷན་ཚོགས་ཀྱིས་ངའི་གནས་ཚུལ་གོ་རྗེས་ལས་བྱེད་པ་མང་པོ་ང་སར་ཡོང་ན་ང་ལ་བསླབ་བྱ་མང་པོ་སྤྲད་སོང་། ང་ལ་རོགས་བཟོས་ནས་རྐང་ལག་སྐྱོན་ཅན་གྱི་རིམ་པ་དང་པོའི་དཔང་ཡིག་སྤྲད་བྱུང་། རོགས་དངུལ་དང་དུས་ཆེན་གྱི་འཚམས་འདྲི་དངོས་རྫས་ཚང་མ་རང་གི་ལག་ནང་འཕྲད་བྱུང་། ངས་ཀྱང་ཁོང་རྣམ་པའི་བསླབ་བྱ་ཡག་མོ་ཉན་ནས་རང་གི་ལག་པ་གཉིས་ལ་བརྟེན་ནས་གོས་འཚེམ་རྒྱུ་སྦྱོང་པའི་བསམ་བློ་གཏོང་བཞིན་ཡོད། དེ་རིང་ཡང་རྫོང་དབང་སྐྱོན་ལྷན་ཚོགས་ཀྱི་ལས་བྱེད་པ་དང་ཤང་གི་ལས་བྱེད་ང་ལ་ལྟ་སར་བྱུང་། སེམས་བསམ་པ་གཏིང་ནས་དགའ་བྱུང་། ང་མི་ཁེར་རྐྱང་ཞིག་མ་རེད། ང་ལ་དབང་སྐྱོན་ལྷན་ཚོགས་ཀྱི་ལས་བྱེད་པ་ཉེ་མཛའ་ཡོད། ཁོང་རྣམ་པས་ང་ལ་རང་ཁ་རང་གསོ་ཐུབ་པའི་རེ་བ་བཅང་འདུག ངས་ཡང་དཀའ་སྤྱད་འབད་བརྩོན་བྱ་རྒྱུ་ཡིན། ཏང་གི་སྲིད་ཇུས་བཟང་པོ་དང་རྫོང་དབང་སྐྱོན་ལྷན་ཚོགས་ཀྱི་ལས་བྱེད་ཡོངས་ལ་བཀའ་དྲིན་ཆེ་ཞུ། ཞེས་པའི་སྐད་ཆ་དུམ་བུ་འདི་ནི་རི་འགོ་ཤང་གི་དབང་པོ་སྐྱོན་ཅན་བློ་བཟང་རྒྱ་མཚོས་མིག་མཐའ་མཆི་མ་འཁོར་ནས་གསར་འགོད་པར་བཤད་པ་རེད།
ཉེ་ཆར་དཀར་མཛེས་རྫོང་དབང་སྐྱོན་ལྷན་ཚོགས་དང་རི་འགོ་ཤང་གཉིས་ཀྱིས་རི་འགོ་ཤང་དུ་དབང་པོ་སྐྱོན་ཅན་93བསྡུས་ནས་སྲིད་ཇུས་ཁྲིམས་ལུགས་དྲིལ་བསྒྲགས་དང་རང་ཁ་རང་གསོ་དགོས་པའི་བསླབ་བྱ་སྤྲད་པར་མ་ཟད། འཕྲོད་བསྟེན་ཁུག་མ་བྱིན་པ་རེད། དེ་ནས་སློབ་གྲྭའི་དབང་པོ་སྐྱོན་ཅན་གྱི་དཔང་ཡིག་ཡོད་པའི་སློབ་མ20ལ་ལྟ་སར་འགྲོ་བ་ཆབས་ཅིག་སློབ་སྦྱོང་ལ་འབད་བརྩོན་བྱ་དགོས་པའི་རེ་བ་ཞུས་པས་མ་ཚད། དཔེ་ཁུག་དང་སྨྱུག་སྒམ་སོགས་སློབ་སྦྱོང་ཡོ་བྱད་བྱིན་པ་རེད།
