ཟླ་6ཚེས་24ཉིན་གྱི་དགོང་མོར། ཧྲང་ཧའེ་རྒྱལ་སྤྱིའི་གློག་བརྙན་དུས་ཆེན་སྐབས་21པའི་ཐོག་ཅིན་ཅུའེ་བྱ་དགའི་ནང་ཚུད་པའི་བྱ་དགའ་ཆེན་པོ་བཅུ་ཚང་མ་སྤྲད་ཡོད་པ་དང་། ཀྲུང་གོའི་གློག་བརྙན་《ང་ཡི་ཆང་གསོལ་རོགས་》ལ་ཆེས་ཡག་ཤོས་ཀྱི་འཁྲབ་གཞུང་བྱ་དགའ་དང་དཔྱད་འདེམས་ཨུ་ཡོན་ལྷན་ཁང་གི་བྱ་དགའ་ཆེན་པོ་བཅས་གཉིས་ཐོབ་ཡོད།
        ཀྲུང་གོའི་གློག་བརྙན་《ང་ཡི་ཆང་གསོལ་རོགས་》ནང་བུད་མེད་ཞིག་གིས་རང་ཉིད་ཀྱི་ནད་གཞིའི་གནས་ཚུལ་དང་ཁྱོ་བོ་སྔ་མའི་བར་གྱི་འབྲེལ་བ་གསང་བ་བྱས་ནས་ལྷ་སར་འགྲོ་རྒྱུ་ཐག་བཅད་པ་དང་།  ལྷ་སར་འགྲོ་བའི་ཡུན་རིང་བའི་འགྲུལ་བཞུད་ལམ་བུའི་ཁྲོད་ཁོ་མོའི་སེམས་ཀྱི་གསང་བ་རེ་རེ་བཞིན་ཕྱེ་ཡོད་ཅིང་། གསང་བ་དེའི་ནང་ཁོ་མོའི་ཁྱོ་བོ་སྔ་མ་དང་དེ་བཞིན་ཁྱོ་བོ་གཉིས་པའི་བར་གྱི་ཕོ་མོའི་བརྩེ་དུང་ཁྲོད་ཀྱི་བརྩེ་བ་དང་ཀུན་སྤྱོད་མཚོན་ཡོད་པ་དང་། དད་མོས་དང་འགན་འཁྲིའི་གཏམ་རྒྱུད་ཞིག་ཡིན་ལ་གློག་བརྙན་པར་རྒྱག་བྱ་ཐབས་ཞིབ་ཅིང་ཕྲ་ལ་བབ་ཆགས་པ། མི་སེམས་འགུལ་བ་བཅས་ཡོད།
        ཤེས་རྟོགས་བྱུང་བར་གཞིགས་ན། ད་ཐེངས་ཀྱི་ཧྲང་ཧའེ་རྒྱལ་སྤྱིའི་གློག་བརྙན་དུས་ཆེན་ཆེན་ཁྲོད།  སྒྲིག་འཛུགས་ཨུ་ལྷན་དུ་རྒྱལ་ཁབ་དང་ས་ཁུལ་108ཀྱི་གློག་བརྙན་3447ཐོ་བཀོད་འགྲན་ཞུགས་བྱས་ནས། དེའི་ཁྲོད་ཕུལ་བྱུང་གློག་བརྙན་13ཅིན་ཅུའེ་བྱ་དགའ་དཔྱད་འདེམས་ནང་ཚུད་ཡོད་པ་རེད།