དུས་རབས་ཀྱི་འཁོར་ཕྱོགས་དང་བསྟུན་ནས་འབྲོག་པ་མང་ཚོགས་ཀྱི་དཔལ་འབྱོར་ཡོང་འབབ་མཐོར་འདེགས་སུ་གཏོང་ཆེད། ཉེ་བའི་ལོ་ཤས་རིང་མཛོད་དགེ་རྫོང་ཐང་སྐོར་གྲོང་རྡལ་དུ་སྲིད་གཞུང་གི་མཐུན་སྦྱོར་རོགས་སྐྱོར་འོག འབྲོག་པ་མང་ཚོགས་ལ་ཡོང་འབབ་བསྡུ་ལེན་གྱི་བྱེད་ཐབས་གསར་བ་བེད་སྤྱད་ནས། ས་གནས་མང་ཚོགས་ཀྱི་དཔལ་འབྱོར་ཡོང་འབབ་ཇེ་མཐོར་བཏང་།
མཛོད་དགེ་རྫོང་ནི་རོང་འབྲོག་ལས་གཙོ་བོ་གཉེར་བའི་འབྲོག་རྫོང་ཞིག་ཡིན་ལ། རང་བྱུང་རྩྭ་ཐང་གི་རྒྱ་ཁྱོན་ལ་ས་མུའུ་ཁྲི་མང་པོ་ཡོད། ལས་རིགས་ལག་རྩལ་གྱི་སློབ་གསོ་ཡར་རྒྱས་འགྲོ་བ་དང་བསྟུན་ནས་རྫོང་གི་མངའ་ཁོངས་ཀྱི་ཐང་སྐོར་གྲོང་རྡལ་ན་ས་གནས་མང་ཚོགས་ཀྱི་གནས་བབས་ཀྱི་དགོས་མཁོ་ལ་བསྟུན་ནས། འབྲོག་ལས་མཉམ་ལས་ཁང་ལས་འཛུགས་བྱས་དེ་ས་གནས་མང་ཚོགས་ཀྱི་དཔལ་འབྱོར་ཡོང་འབབ་མཐོར་འདེགས་སུ་གཏོང་བཞིན་ཡོད།
