ཟླ་7ཚེས་12ཉིན། "རིག་གནས་ཀྱི་དཀར་མཛེས། ངོ་མཚར་བའི་གཟི་བྱིན་ལྷམ་མེར་བཀྲ"ཞེས་པའི་དཀར་མཛེས་ཁུལ་གྱི་དངོས་མིན་རིག་གནས་ཤུལ་བཞག་བརྗོད་གཞི་བྱས་པའི་འགྲེམས་སྟོན་ཁྲེན་ཏུའུ་རུ་སྤེལ་འགོ་བརྩམས་པ་རེད།
ཐེངས་འདིའི་འགྲེམས་སྟོན་ནི"ཤུལ་བཞག"དང"རིག་རྩལ"ཞེས་པ་ཁག་གཉིས་བགོས་ནས། ཁག་སོ་སོ་ནས"གླིང་གེ་སར་རྒྱལ་པོ"བརྗོད་གཞིར་བཟུང་ནས་དངོས་མིན་རིག་གནས་ཤུལ་བཞག་དང་། དེ་བཞིན་དུ་ཁམས་པའི་རིག་གནས་གཞི་རྒྱུ་བྱས་པའི་རིག་གནས་གསར་གཏོད་ཀྱི་ཐོན་རྫས་སོགས་འགྲེམས་སྟོན་བྱས་ཡོད་པ་རེད། འགྲེམས་སྟོན་འདི་ཟླ་འདིའི་ཚེས་20བར་དུ་བྱ་རྒྱུ་རེད།
ངོ་སྤྲོད་བྱས་པར་གཞིགས་ན། མིག་སྔར་དཀར་མཛེས་ཁུལ་དུ་གླིང་སྒྲུང་དང་། པར་ཤིང་གི་ལག་རྩལ། བོད་ཀྱི་ཟློས་གར་སོགས་འཛམ་གླིང་གི་དངོས་མིན་རིག་གནས་ཤུལ་བཞག་ཁག་3ཡོད་པ་དང་། ད་དུང་རྒྱལ་ཁབ་རིམ་པའི་དངོས་མིན་རིག་གནས་ཤུལ་བཞག་ཁག་23 ཞིང་ཆེན་རིམ་པ་དང་ཁུལ་རིམ་པའི་དངོས་མིན་རིག་གནས་ཤུལ་བཞག་ཁག་115ཡོད་པ་རེད། དངོས་མིན་རིག་གནས་ཤུལ་བཞག་གི་ཐོན་ཁུངས་འཛོམས་ཚད་ནི་སི་ཁྲོན་ཞིང་ཆེན་གྱི་ཨང་གཉིས་པ་རེད།
