དུས་ཡུན་རིང་པོའི་ནང་། བོད་ལྗོངས་ལྷོ་ཁ་གྲོང་ཁྱེར་གྱིས་བྱེ་འགོག་བྱེ་བཅོས་ཀྱི་ལས་དོན་ལ་མུ་མཐུད་སྐུལ་མ་བཏང་བ་དང་། “བཀག བརྟན་། བསྐྲུན་། འདེབས་”བཅས་ཀྱི་བྱ་ཐབས་བརྒྱུད་ནས་ས་ཁོངས་གཙོ་བོའི་ཁུལ་དུ་གནོད་བཅུད་སྤྱི་ཕན་ནགས་ཚལ་བསྐྲུན་པ། གནོད་བཅུད་བདེ་འཇགས་སྲུང་ཡོལ་གྱི་བྱེ་འགོག་བྱེ་བཅོས་ཀྱི་ལས་གྲྭ་སོགས་རྣམ་གྲངས་སྐུལ་སྤེལ་བཏང་ནས། ལྷོ་ཁ་གྲོང་ཁྱེར་དེ་རྒྱལ་ཡོངས་ཀྱི་བྱེ་འགོག་བྱེ་བཅོས་ཀྱི་ཕྱོགས་བསྡུས་དཔེ་སྟོན་ཁུལ་དུ་བསྐྲུན་རྒྱུ་ཡིན་པ་རེད། མིག་སྔར། ལྷོ་ཁ་གྲོང་ཁྱེར་གྱི་ཐང་རྒོད་ཅན་དང་བྱེ་འགྱུར་ཅན་གྱི་རྒྱ་ཁྱོན་ལོ་རེ་བཞིན་ཉུང་དུ་ཕྱིན་པ་དང་། བྱེ་སའི་ཁུལ་དང་བྱེ་མའི་ཡོང་ཁུངས་གཙོ་བོ་ཕན་ནུས་ལྡན་པའི་ངང་ཚོད་འཛིན་ཐུབ་ཡོད་པ་རེད།
