ཚེས་23ཉིན། སི་ཁྲོན་ཞིང་ཆེན་གྱི་སྐབས་དགུ་པའི་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་དང་སྐབས་བཞི་པའི་དམིགས་བསལ་ཨོ་ལིན་ཕིག་ལུས་རྩལ་འགྲན་ཚོགས་ཀོང་ཡོན་གྲོང་ཁྱེར་ནས་དངོས་སུ་ཚོགས་འགོ་ཚུགས། འདི་ནི་རང་རེའི་ཞིང་ཆེན་གྱི་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་དང་དམིགས་བསལ་ཨོ་རྩལ་འགྲན་ཚོགས་ཀྱི་གཞི་རྒྱ་ཆེས་ཆེ་བ་དང་མི་འབོར་ཆེས་མང་བའི་འགྲན་བསྡུར་ཞིག་ཡིན་ལ། ཞིང་ཆེན་ཡོངས་ཀྱི་གྲོང་ཁྱེར་དང་ཁུལ་21གི་འཐུས་ཚབ་རུ་ཁག་འགྲན་བསྡུར་ཁྲོད་ཞུགས་པ་དང་། འགྲན་བསྡུར་ཟླ་8པའི་ཚེས་29ཉིན་ལ་ཡོངས་སུ་མཇུག་སྒྲིལ་རྒྱུ་རེད།
         སྐབས་འདིའི་དབང་བོ་སྐྱོན་ཅན་གྱི་ལུས་རྩལ་འགྲན་བསྡུར་དང་དམིགས་བསལ་ཨོ་རྩལ་འགྲན་བསྡུར་ཁྲོད་འགྲན་སྡུར་རྣམ་གྲངས་24བཀོད་སྒྲིག་བྱས་ཡོད་པ་དང་། དེའི་ཁྲོད་དབང་བོ་སྐྱོན་ཅན་གྱི་ལུས་རྩལ་འགྲན་སྡུར་ཐད་རྣམ་གྲངས་17དང་། དམིགས་བསལ་ཨོ་རྩལ་འགྲན་ཚོགས་ལ་རྣམ་གྲངས་7བཀོད་སྒྲིག་བྱས་ཡོད། འགོ་ཚུགས་མཛད་སྒོའི་སྔོན་དུ། སྐབས་འདིའི་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་དང་དམིགས་བསལ་ཨོ་རྩལ་འགྲན་ཚོགས་ཀྱི་འགྲན་བསྡུར་རྣམ་གྲངས་6གི་འགྲན་སྡུར་མཇུག་སྒྲིལ་ཏེ། གསེར་གྱི་རྟགས་མ་192དང་།དངུལ་གྱི་རྟགས་མ་131ཟངས་ཀྱི་རྟགས་མ་83བཅས་ཐོབ་ཡོད་པ་རེད།
          ཞིང་ཆེན་སྲིད་གཞུང་གི་ཞིང་དཔོན་གཞོན་པ། ཞིང་ཆེན་གྱི་སྐབས་དགུ་པའི་དབང་བོ་སྐྱོན་ཅན་གྱི་ལུས་རྩལ་འགྲན་ཚོགས་དང་སྐབས་བཞི་བའི་དམིགས་བསལ་ཨོ་ལིན་ཕིག་ལུས་རྩལ་འགྲན་ཚོགས་ཀྱི་རྩ་འཛུགས་ཨུ་ཡོན་ལྷན་ཁང་གི་ཀྲུའུ་རིན་ཝང་དབྱི་ཧོང་འགོ་ཚུགས་མཛད་སྒོར་ཞུགས་པར་མ་ཟད་ལུས་རྩལ་འགྲན་ཚོགས་དངོས་སུ་སྤེལ་འགོ་ཚུགས་པ་ཁྱབ་བསྒྲགས་བྱས།།