ངོ་བཀའ་སྡེ་བ་ནི་ཁྲོ་ཆུ་རྫོང་གི་རི་མ་ཐང་གི་དཔེ་མཚོན་སྡེ་བ་ཞིག་ཡིན་ལ། མི་སེར་རྣམས་ཀྱི་བསམ་བློའི་འདུ་ཤེས་རྙིང་ཞེན་དང་འགྲིམ་འགྲུལ་སྟབས་བདེ་མིན་པས་ངོ་བཀའ་སྡེ་བ་དབུལ་ཐར་ཡོང་བར་དཀའ་ཁག་ཆེན་པོ་བཟོས་འདུག ངོ་བཀའ་སྡེ་བ་མགྱོགས་མྱུར་སྒོས་དབུལ་ཐར་ཡོང་ཆེད། ནི་ཟི་ཡུལ་ཚོས་རྫོང་ཨུ་དང་རྫོང་སྲིད་གཞུང་གི་རྒྱབ་སྐྱོར་འོག་ངོ་བཀའ་སྡེ་བའི་མི་སེར་རྣམས་ཀྱིས་གདོད་མའི་སྐྱེ་དངོས་སྒོག་པ་འདེབས་འཛུགས་བྱས།མཉམ་ལས་ཁང་བཙུགས་རྗེས། མཉམ་ལས་ཁང་ནང་ཞུགས་འདོད་པའི་མི་སེར་ཚང་མ་ནང་དུ་ཞུགས་པ་རེད།
        སྒོག་པའི་རྒྱུ་སྤུས་བཟང་བོ་ཁག་ཐེག་བྱས་པས། ངོ་བཀའ་སྡེ་བའི་ཕྱིར་འཚོང་གི་ལམ་ཁ་ཡང་རང་བཞིན་གྱིས་ཇེ་ལེགས་སུ་གྱུར་པས། ངོ་བཀའ་སྡེ་བའི་གྲུབ་འབྲས་བཟང་པོ་འདི་ལ་རྫོང་ཡོངས་ཀྱི་ཡུལ་སྡེ་གཞན་རྣམས་ཀྱིས་ཀྱང་གཅིག་རྗེས་གཉིས་མཐུད་ཀྱིས་སློབ་སྦྱོང་བྱས་ནས་སྒོག་པ་འདེབས་འཛུགས་ཀྱི་ཐོན་ལས་རིམ་བཞིན་རྒྱ་ཆེར་བཏང་སྟེ། ཁྲོ་ཆུའི་མཐོ་སྒང་གི་གདོད་སྐྱེས་སྒོག་པའི་ཚོང་རྟགས་དེ་སྔར་ལས་ཇེ་བཟང་དུ་གཏོང་བཞིན་འདུག
        ས་བཅུད་འཛོམས་པས་སྒོག་པར་འབྲས་བཟང་སྨིན། མཐོ་སྒང་གི་གདོད་སྐྱེས་སྒོག་པ་དེ་མཚོ་ངོས་ལས་མཐོ་ཚད་སྨི་སྟོང་གསུམ་ཡས་མས་ཡོད་པའི་མཐོ་སྒང་དུ་སྐྱེས་ཡོད་ལ། སྒོག་པ་རྡོག་རེ་རེ་ཡིས་ཕྱུག་འགྱུར་གྱི་རེ་བ་ཆེན་པོ་བསྩལ་བར་མ་ཟད། འདི་ལས་མི་སེར་རྣམས་ཀྱིས་བདེ་སྐྱིད་འཚོ་བའི་ཉི་གཞོན་གསར་བ་ཞིག་མི་འགྱངས་པར་ཡུལ་ལུང་འདིའི་ཁོར་ཡུག་ཀུན་ལ་འཕྲོ་བར་ཡིད་ཆེས་ཀྱིས་ཁེངས་འདུག