ཉེ་ཆར། རྔ་བ་ཁུལ་གྱི་གངས་རི་དང་རྩྭ་ཐང་ཞེས་པའི་མང་ཚོགས་སྒྲོག་འགྲེལ་ཚོགས་པ་ཧུང་ཡོན་དུ་བསྐྱོད་དེ། སློབ་གྲྭ་དང་ཁེ་ལས། ཡུལ་ཚོ་དང་གྲོང་རྡལ་དུ་ཞུགས་ཏེ་ཁུལ་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་སྒྲོག་འགྲེལ་བྱེད་སྒོ་སྤེལ།
     སྒྲོག་འགྲེལ་ཚོགས་པས་གསོན་ཉམས་ལྡན་པའི་གཟུགས་བརྙན་དང་ཁ་གསལ་ཞིང་གོ་བདེ་བའི་སྐད་ཆས་དོན་སྙིང་གལ་ཆེན་དང་རྩ་བའི་གཞི་འཛིན་ས། ཇུས་འགོད་དང་བཀོད་སྒྲིག ཕྱོགས་བཞིའི་ཐད་ནས་རེ་བ་དོན་འཁྱོལ་བྱས། 《ཀྲུང་གུང་རྔ་བ་ཁུལ་ཨུས་ཞི་ཅིན་ཕིང་གིས་བཏོན་པའི་སྐྱེ་ཁམས་བསམ་པའི་དཔལ་ཡོན་དང་ཞིང་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་ཐག་གཅོད་སློབ་སྦྱོང་དང་ལག་ལེན་དུ་བསྟར་བ》 དང་ 《ཀྲུང་གུང་རྔ་བ་ཁུལ་ཨུའི་སི་ཁྲོན་ནུབ་བྱང་གི་རྔ་བ་ཁུལ་གྱི་སྐྱེ་ཁམས་དཔེ་སྟོན་གླིང་ཁུལ་སྐྲུན་པའི་ཐག་གཅོད》ལྟར། རང་ཁུལ་གྱི་མིག་སྔའི་འཕེལ་རྒྱས་གནས་བབ་དང་འབྲེལ་ཡོད་ཀྱི་དཔེ་དངོས་ལ་ཟུང་འབྲེལ་བྱས་ནས། སྒྲོག་འགྲེལ་བྱེད་སའི་གནས་རེ་རེའི་མང་ཚོགས་ལ་ཞིབ་ཕྲའི་ངང་ཁུལ་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་ལྔ་བའི་དགོངས་དོན་འགྲེལ་བཤད་བྱེད་པ་དང་། དྲིལ་སྒྲོག་གི་ནང་དོན་མང་ཚོགས་ལ་འབྲེལ་བ་ཡོད་པས། མང་ཚོགས་ཀྱིས་ནན་ཏན་ངང་མཉན་ཅིང་ཟིན་བྲིས་སུ་བཀོད་དེ་ཡུལ་དངོས་ཀྱི་སློབ་སྦྱོང་གི་རྣམ་པ་བཟང་བོ་ཆགས།
       བོད་ཡིག་སློབ་འབྲིང་གི་རིག་གཞུང་སྙན་ཞུ་ཁང་ནས། སྒྲོག་འགྲེལ་ཚོགས་པའི་མི་སྣས་རང་ཁུལ་གྱིས་སྤེལ་བའི་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་ཁུལ་བསྐྲུན་པར་དམིགས་ནས། འཆམ་མཐུན་བདེ་སྐྱིད་ཀྱི་ཁྱིམ་གཞིས་སྐྲུན་པར་སྒྲོག་འགྲེལ་བྱས། སློབ་མ་ཚོར་ཡང་དག་པའི་མི་རིགས་ཀྱི་ལྟ་བ་དང་རྒྱལ་ཁབ་ཀྱི་ལྟ་བ། རིག་གནས་ཀྱི་ལྟ་བ་དང་རིན་ཐང་གི་ལྟ་བ་སྐྱེས་པར་སྐུལ་མ་བཏང་། ཧུང་ཡོན་རྫོང་སྦྲ་ཆེན་གྲོང་རྡལ་ནས། སྒྲོག་འགྲེལ་ཚོགས་པའི་མི་སྣས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བཏོན་པའི་སྔོ་ཞིང་དྭངས་པའི་རི་ཆུ་ནི་གསེར་རི་དངུལ་རི་ཡིན་ཞེས་པ་སོགས་ཀྱི་གལ་ཆེའི་རྒྱས་བཤད་ལ་སློབ་སྦྱོང་སྐོར་གླེང་སྐབས། མང་ཚོགས་ཀྱི་སྐྱེ་ཁམས་དང་མཛེས་སྡུག་གི་ཁྱིམ་གཞིས་སྐྲུན་པར་གོ་བ་ཟབ་མོ་ལོན་པ་དང་དགའ་བསུ་ཆེན་པོ་ཐོབ།
       ཐེངས་འདིའི་སྒྲོག་འགྲེལ་གྱི་བྱེད་སྒོས་ཧུང་ཡོན་རྫོང་གི་གཞི་རིམ་མང་ཚོགས་ལ་ཤུགས་རྐྱེན་ཆེན་པོ་བཞག སྒྲོག་འགྲེལ་ཚོགས་པའི་མི་སྣས་མང་ཚོགས་དང་བསམ་བློ་བརྗེ་རེས་བྱེད་པ་དང་། ནན་ཏན་གྱིས་ཚང་མས་དོ་ཁུར་བྱེད་པའི་གནད་དོན་ལ་ལན་བཏབ། ཁོ་ཚོ་ཚང་མས་ཁུལ་ཨུའི་སྐབས་བཅུ་གཅིག་པའི་ཚང་འཛོམས་གྲོས་ཚོགས་ཐེངས་ལྔ་བས་གཏན་ཁེལ་བྱས་པའི་འཆར་གཞི་ལྟར། རང་རང་སོ་སོས་ལས་གནས་ཐོག་འབད་འཐབ་ཆེན་པོས་བྱས་རྗེས་བཞག་སྟེ་དུས་རབས་ཀྱི་རེ་བ་ཆུད་ཟོས་སུ་མི་གཏོང་བ་བཏོན་ནོ།།