སི་ཁྲོན་གསར་འགྱུར་དྲ་བས་བསྒྲགས་པའི་གནས་ཚུལ། སྤྱི་ཟླ་10པའི་ཚེས་12ཉིན་གྱི་ཕྱི་དྲོའི་ཆུ་ཚོད་7དང་སྐར་མ40ཡས་མས་སུ་ཡུལ་དངོས་ནས་འབྱོར་བའི་གནས་ཚུལ་ལྟར་ན།   དཀར་མཛེས་ཁུལ་དཔལ་ཡུལ་རྫོང་དང་བོད་རང་སྐྱོང་ལྗོངས་ཆབ་མདོ་གྲོང་ཁྱེར་འཇོ་མདའ་རྫོང་གི་འབྲེལ་མཚམས་སུ་རི་ཉིལ་ནས་འབྲི་ཆུ་བཀག་སྟེ་བྱུང་བའི་ཆུ་བསྐྱིལ་མཚེའུ་རང་བྱུང་ངང་བཞུར་ཐུབ་པ་བྱུང་ཞིང་། མིག་སྔར་བཞུར་ཚད་སྐར་ཆ་རེར་རྒྱ་དཔངས་གྲུ་བཞི་ལྔ་ནས་དྲུག་ལ་སླེབས་ཏེ་ཆུ་བསྐྱིལ་ནས་མཚེའུ་གྱུར་པ་དེ་རིམ་བཞིན་རང་བྱུང་ཆུ་རྒྱུན་ལྟར་བཞུར་ཐུབ་པར་གྱུར་བཞིན་ཡོད་པ་རེད།།