གདོང་གསུམ་ཡུལ་ཚོ་མཛའ་སྟོད་གྲོང་སྡེའི་གནས་སྤོ་ཡུལ་མིའི་འཚོ་བ་གསར་པ།

    སྟོན་ཟླ་འབྲིང་བར་ཕྱག་ཕྲེང་དུ་བསྐྱོད་དུས་གཡུ་ལོ་ལྗོན་པའི་གསེབ་ནས་འབྲས་བུ་ཁུར་དུ་དུད་ཅིང་ལོ་ཏོག་གསེར་མདངས་རྒྱས་པའི་རྣམ་པ་དང་། གྲོང་སྡེ་གསར་པའི་རྣམ་པ་བཟང་པོ། ཞིང་འབྲོག་མི་དམངས་དབུལ་ཐར་བྱུང་རྗེས་ཀྱི་དགའ་སྤྲོ་དང་སེམས་འགུལ་ཐེབས་པའི་རྣམ་པ་བཅས་གཅིག་རྗེས་གཉིས་མཐུད་ངང་མིག་ལམ་དུ་ཤར་བྱུང་།

    གདོང་གསུམ་ཤང་མུ་མིན་གྲོང་སྡེས་བོད་ལུག་མགོ་གྲངས800གསོ་སྤེལ་དང་སེ་པན་མུའུ50ལྷག་འདེབས་འཛུགས་བྱས་པར་བརྟེན་ནས་ཞིང་དུད་ཚོའི་ཡོང་འབབ་སྒོར་ཁྲི38.7336འཕར་སྣོན་བྱུང་བ་དང་དུད་ཚང་རེར་ཆ་སྙོམས་སྒོར3952.4འཕར་སྣོན་བྱུང་ཡོད།

གདོང་གསུམ་ཡུལ་ཚོ་མཁན་སྟོད་གྲོང་སྡེའི་རྒུན་འབྲུམ་ཐོན་ལས་ར་བ།

    ཡུལ་མི་གནས་སྤོ་བྱེད་པའི་གྲོང་སྡེ་གསར་པར་ཆ་མཚོན་ནས་བཤད་ན། མཛའ་སྟོད་གྲོང་སྡེ་ནི་དམངས་ཕྱུག་དང་དམངས་ཕན་སྲིད་ཇུས་ཁག་གི་རོགས་སྐྱོར་དང་རྒྱབ་སྐྱོར་འོག་གྲོང་སྡེ་ནང་གི་གྲོང་མི་ཚོ་སྒྲོན་འོད་མི་གསལ་བ་དང་། བགྲོད་ལམ་མི་བདེ་བ། ཁོར་ཡུག་ཞན་པ་བཅས་ཀྱི་སྡོད་སའི་ཁོར་ཡུག་དང་བྲལ་ནས་ལམ་བུ་བདེ་བགྲོད་དང་གྲོང་སྡེའི་ཁོར་ཡུག་གཙང་མ་ཡིན་པའི་བདེ་སྐྱིད་ཀྱི་གྲོང་སྡེ་གསར་པའི་ནང་སྤོས་ཡོད་པ་རེད།

སྐྱིད་ར་མགོའི་འབྲོག་རའི་རྣམ་པ།

    མཁན་སྟོད་གྲོང་ཚོའི་ཆང་བསྙལ་སའི་རྒུན་འབྲུམ་འདེབས་འཛུགས་མཉམ་ལས་ཁང་དང་། མུའུ115ཡོད་པའི་ཆང་བསྙལ་རྒུན་འབྲུམ་འདེབས་འཛུགས་དང་འཐུ་ལེན་ལྟ་སྐོར་ར་བས་ད་ལོ་རྐྱང་རྐྱང་གྲོང་སྡེ་ཡོངས་ཀྱི་དུད་ཚང་རེའི་ཡོང་འབབ་ཆ་སྙོམས་སྒོར3714.00འཕར་སྣོན་བཏང་སྟེ། མཛེས་ལྗོངས་དང་མདུན་ལྗོངས་གཉིས་ཆར་གཅིག་མཐུན་བྱུང་ཞིང་། གྲོང་ཚོའི་མི་སེར་ཚོ་ཞིང་ཁ་དང་མུ་ཁར་དུ་ལས་ཀ་ལས་བཞིན་སེམས་ཁམས་སུ་བདེ་སྐྱིད་ཀྱི་ཚོར་སྣང་གང་བ་རེད།

གདོང་གསུམ་ཡུལ་ཚོ་མུ་མུན་གྲོང་སྡེས་གསོ་སྤེལ་བྱས་པའི་བོད་ར།

ཕྲེང་སྨད་ཡུལ་ཚོ་ནགས་དབུས་གྲོང་སྡེའི་རྣམ་པ་གསར་པ།

    ཕྲེང་སྟོད་གྲོང་སྡེའི་དེ་སྔོན་གྱི་བོ་དེ་ཙེ་དེ་ད་ལྟར་རྒྱུ་ནོར་རྩ་ཆེན་ཆགས་ཤིང་མི་རྣམས་ཀྱིས་བོ་དེ་ཙེ་བཟོ་ཚོང་ལ་བརྟེན་ནས་དབུལ་ཐར་ཕྱུག་འགྱུར་གྱི་ལམ་བུའི་ཐོག་བསྐྱོད་བཞིན་ཡོད། ཕྲེང་སྨད་ཤང་དུ་ཡུལ་སྐོར་ཐོན་ལས་དབྱར་མཚོ་རྒྱས་པ་ལྟར་འཕེལ་བ་དང་བསྟུན་ནས་སྒེར་གཉེར་དམངས་ཁྲོད་ཀྱི་གནས་ཚང་བདག་གཉེར་ལས་ཕྱག་ཕྲེང་རྫོང་གི་སྲོལ་རྒྱུན་ལག་རྩལ་རིག་གནས་དང་དེང་རབས་དར་སྲོལ་གཅིག་ཏུ་འདྲེས་པའི་རྣམ་པ་མངོན། སྐྱིད་ར་མགོའི་འབྲོག་རར་མུ་ཏིག་ནག་པོ་ཐང་ལ་བརྡལ་འདྲའི་ཕྱུགས་ཟོག་ཁེངས་པ་དང་འབྲོག་པ་ཚོའི་དགའ་སྤྲོའི་འབོད་སྒྲ་དང་གླུ་སྒྲ་དུས་གཅིག་ཏུ་རྩྭ་ཐང་དུ་ཁྱབ།

གྲོང་སྟོད་སྡེ་བའི་བོ་དེ་ཙེའི་བཟོ་སྣོན་ཁང་ཞིག

    འདས་པའི་ལོར་ཕྱིར་མིག་བལྟས་དུས། 2014ལོར་ཕྱག་ཕྲེང་རྫོང་དུ་ཡིག་ཚགས་བྱང་བུ་བཟོས་པའི་དབུལ་པོ་གྲོང་སྡེ42དང་དབུལ་པོ་དུད་ཚང1270དང་དབུལ་པོ་མི་འབོར6834ཡོད་་ཅིང་དབུལ་ཕོངས་འབྱུང་ཚད་བརྒྱ་ཆ26.6ལ་ཟིན་ཞིང་དབུལ་ཕོངས་ནི་མི་སེར་ཚོའི་སེམས་ནད་དུ་གྱུར། རེད་དེ་ད་ལྟའི་ཕྱག་ཕྲེང་རྫོང་གི་རྫོང་ཡོངས་ཀྱི་ཐོན་ལས་རྨང་གཞི་སྔར་ལས་ལྷག་པར་སྲ་བརྟན་དུ་ཕྱིན་པ་དང། རྨང་གཞི་སྒྲིག་ཆས་སྒོ་ཀུན་ནས་ལེགས་བཅོས་བྱུང་བ། མང་ཚོགས་ཀྱི་ཐོན་སྐྱེད་དང་འཚོ་བའི་ཆུ་ཚད་མུ་མཐུད་དེ་མཐོ་རུ་ཕྱིན་ཞིང་། ཧ་ཅང་དབུལ་པོའི་མི་འབོར་ཆེས་ཆེར་ཆག་ཡོད་པས། གང་ས་གང་ལ་དགའ་སྤྲོ་འཁོལ་བ་དང་འབྱུང་འགྱུར་ལ་རེ་འདུན་བཟང་པོ་བཅངས་པའི་རྣམ་པ་ཆགས་ཡོད།།

ཕྲེང་སྨད་ཡུལ་ཚོའི་གནས་བདག་ཨ་སྒྲོལ་མིང་ཀུན་གྱིས་འགྲུལ་པར་ཁ་བརྡ་ལབ་བཞིན་པ།