ཀྲུང་གོའི་སྐད་སྒྲ《གསར་འགྱུར་དང་ཚགས་པར་གྱི་ནང་དོན་གནད་བསྡུས་》ཀྱིས་གནས་ཚུལ་སྤེལ་བ་ལ་གཞིགས་ན། གཟའ་འཁོར་འདིའི་གཟའ་ཉི་མ་སྟེ་ཟླ་12ཚེས་23ཉིན། 2019ལོའི་དཔྱིད་གསར་སྐྱེལ་འདྲེན་ཉིན་དང་པོ་སྟེ་ཟླ་1ཚེས་21ཉིན་གྱི་མེ་འཁོར་སྤ་སེ་ཉོ་ཐུབ་པ་དང་། 2019ལོའི་གནམ་གང་གི་མེ་འཁོར་སྤ་སེ་ནི་ཟླ་1ཚེས་6ཉིན་ཐོག་མར་བཙོང་རྒྱུ་ཡིན། 2019ལོའི་དཔྱིད་གསར་སྐྱེལ་འདྲེན་གྱི་དུས་ཚོད་ནི་ཟླ་1ཚེས་21ཉིན(ལུགས་རྙིང་ཟླ་12པའི་ཚེས་བཅུ་དྲུག)ནས་ཟླ་3ཚེས་1ཉིན(ཟླ་དང་པོའི་ཚེས་25ཉིན)བར་རེད། 
     པེ་ཅིང་ལྕགས་ལམ་ཅུས་དང་ཧྲེན་དབྱང་ལྕགས་ལམ་ཅུས། ཅི་ནན་ལྕགས་ལམ་ཅུས། ཁྲེན་ཏུའུ་ལྕགས་ལམ་ཅུས། ནན་ཉིང་ལྕགས་ལམ་ཅུས། ཝུའུ་ལུམ་ཆི་ལྕགས་ལམ་ཅུས། མཚོ་བོད་ལྕགས་ལམ་ཅུས་སོགས་ལྕགས་ལམ་ཅུས་བཅུ་ལྷག་གིས་མེ་འཁོར་འབབ་ཚིགས་ཀྱི་སྤ་སེ་བཙོང་སའི་སྒེའུ་ཁུང་དང་། རང་འགུལ་སྤ་སེ་བཙོང་སའི་འཕྲུལ་ཆས། འབབ་ཚིགས་ནས་ཕྱིར་ཐོན་སའི་སྤ་སེ་ཁ་གསབ་སྒེའུ་ཁུང་སོགས་སུ་སྐད་འཕྲིན་སོགས་ཀྱི་ཐབས་ལམ་བརྒྱུད་ནས་ཉོ་ཆོག་པ་བཟོས་ཏེ་རྒྱ་ཆེའི་སྐུ་མགྲོན་རྣམས་ལ་སྟབས་བདེ་པོ་བཟོ་རྒྱུ་རེད།