ཉེ་བའི་ལོ་ཤས་རིང་། རྔ་བ་རྫོང་གིས་མངོན་མིན་རིག་གནས་ཤུལ་བཞག་ལ་སྲུང་སྐྱོང་དང་རྒྱུན་འཛིན་གྱི་ལས་དོན་ལ་སྔ་ཕྱི་བར་གསུམ་དུ་གཞོལ་ཏེ་ཐང་ག་བཞེངས་པ་དང་། ལྕགས་རིགས་ཐོན་རྫས། ཤིང་བརྐོས། འཚེམ་འདྲུབ་སོགས་རིགས་ཁག་གི་ལས་རིགས་ལག་རྩལ་གསོ་སྦྱོང་སློབ་གླིང་དབྱར་མཚོ་རྒྱས་པ་བཞིན་འཕེལ་རྒྱས་བྱུང་ཡོད། མིག་སྔར། ཚད་ལྡན་ངང་ཐོ་བཀོད་བྱས་པའི་སློབ་གླིང་8ཡོད་པ་དེ་དག་གིས་གཙོ་བོ་སི་ཁྲོན་དང་། ཀན་སུའུ། མཚོ་སྔོན། བོད་ལྗོངས་བཅས་ས་ཁུལ་གྱི་དུད་ཚང་དབུལ་པོ་དང་དབང་པོ་སྐྱོན་ཅན་ལ་ཕྱོགས་ནས་སློབ་མ་བསྡུ་བ་དང་སློབ་ཡོན་ཚང་མ་རྩ་ཆག་བཏང་བ་དང་འབྲེལ་སློབ་མར་ཟ་སྡོད་མཁོ་འདོན་བྱེད་ཀྱི་ཡོད་ཅིང་། འདི་ནི་སི་ཁྲོན་ཞིང་ཆེན་རྔ་བ་བོད་རིགས་ཆའང་རིགས་རང་སྐྱོང་ཁུལ་འབར་ཁམས་སུ་གཉེར་བའི་རྔ་བ་ཁུལ་གྱིས་སྒྱུར་བཅོས་སྒོ་འབྱེད་བྱས་ནས་ལོ་བཞི་བཅུ་འཁོར་བར་རྟེན་འབྲེལ་ཞུ་བ་དང་ཁུལ་ཡོངས་ཀྱི་ལས་བཟོའི་རིག་གནས་དུས་ཆེན་ཐོག་རྔ་པ་རྫོང་གི་གྲོང་མི་ཚེ་རྡོར་གྱིས་རང་གིས་བཞེངས་པའི་ཐང་ག་འཛད་སྤྱོད་པར་བསྟན།