2019 ལོའི་གནམ་ལོ་གསར་ཚེས་རྗེས་ལས་ཀར་ཞུགས་པའི་ཉིན་དང་པོ་སྟེ། ཟླ་བ་དང་པོའི་ཚེས་གཉིས་ཉིན་ནས་ཚེས་གསུམ་ཉིན་གྱི་བར། ཞིང་ཆེན་ཏང་ཨུའི་ཧྲུའུ་ཅི་ཕེང་ཆིང་ཧྭ་ལེའང་ཧྲན་ཁུལ་དུ་ཕེབས་ནས་བརྟག་དཔྱད་ཞིབ་འཇུག་བྱས། ཁུལ་དང་རྫོང་རིམ་པས་ཞིང་ཆེན་ཏང་ཨུའི་སྐབས་གཅིག་པའི་གྲོས་ཚོགས་ཐེངས་གསུམ་པ། ཚང་འཛོམས་གྲོས་ཚོགས་ཐེངས་བཞི་པ། ཞིང་ཆེན་ཏང་ཨུའི་དཔལ་འབྱོར་ལས་དོན་ཚོགས་འདུའི་དགོངས་དོན་ལག་བསྟར་དོན་འཁྱོལ་བྱེད་པའི་འབྲེལ་ཡོད་གནས་ཚུལ་སྐོར་རྒྱུས་ལོན་བྱས་ཅིང་། དབྱིས་རིགས་ས་ཁུལ་གྱི་ལས་བྱེད་པ་དང་མང་ཚོགས་ལ་གཟིགས་པ་དང་འཚམས་འདྲི་གནང་བ། དབུལ་བྲལ་འགག་སྒྲོལ་དང་ཐོན་ལས་སྐྱེད་སྲིང་། དམངས་འཚོ་ལེགས་བཅོས། ཚོད་འཛིན་ལས་བརྒལ་ནས་སློབ་གྲྭར་བསྐྱོད་རྒྱུ་འགན་ལེན་དང་། དུག་འགོག་དང་ཨེ་ཙིའི་ནད་འགོག  ནག་སེལ་གཤེད་བཅོམ་སོགས་ལས་ཀར་ཞིབ་འཇུག་དང་བཀོད་སྒྲིག་གནང་།
      ཁོང་གིས་ལིའང་ཧྲན་ཁུལ་གྱིས་ཁྱོན་ཡོངས་ནས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་སི་ཁྲོན་གྱི་ལས་ཀར་མཛུབ་སྟོན་གལ་ཆེན་གནང་བའི་དགོངས་དོན་དང་ཁྱད་པར་དུ་ཤིན་ཏུ་དབུལ་བའི་ས་ཁུལ་གྱི་དབུལ་བྲལ་འགག་སྒྲོལ་དམག་འཐབ་ལ་རྒྱལ་ཁ་ཐོབ་པ་བྱེད་དགོས་པའི་བླང་བྱ་གལ་ཆེན་དོན་ཐོག་ཏུ་འཁྱོལ་བ་བྱེད་དགོས་པ་དང་། བློ་བརྟན་འགྱུར་མེད་ཀྱིས་ཏང་ཀྲུང་དབྱང་དང་ཞིང་ཆེན་ཏང་ཨུའི་དཔལ་འབྱོར་དང་སྤྱི་ཚོགས་འཕེལ་རྒྱས་གཏོང་བའི་ཇུས་ཆོད་ བཀོད་སྒྲིག་སྣ་ཚོགས་ལག་བསྟར་བྱས་ཏེ། དབུལ་བྲལ་འགག་སྒྲོལ་དེ་དོན་ཆེན་ནང་གི་དོན་ཆེན་ལ་བརྩིས་ནས་དམ་འཛིན་བྱེད་དགོས་པ་དང་། སེམས་ཁྲལ་མི་དགོས་པ་གཉིས་དང་འགན་སྲུང་གསུམ་ལ་དོ་སྣང་དང་ཐུགས་ཁུར་བྱས་ནས།  ཡང་བསྐྱར་གནོན་ཤུགས་ལྗིད་མོ་སྣོན་པ་དང་། ཡང་བསྐྱར་ངར་ཤུགས་བསྒྲིམ་པ། བྱེད་ཐབས་ཞིབ་ཕྲ་བཟོ་པ། དོན་འཁྱོལ་ནན་འཛིན་བྱས་ནས་ མི་ཁྲི་སེམས་གཅིག་གི་ཐོག་ནས་ལེའང་ཧྲན་དབུལ་བྲལ་འགག་སྒྲོལ་ལ་ཕྱོགས་ཡོངས་ནས་རྒྱལ་ཁ་ཐོབ་པ་བྱ་དགོས་པའི་ནན་གསུངས་གནང་།
       བརྟག་ཞིབ་གནང་སྐབས་ཕེང་ཆིང་ཧྭ་ལིའང་ཧྲན་ཁུལ་སྤྱི་བདེ་ཅུས་ཏུ་ཕེབས་ནས་དུག་འགོག་དང་ཨེ་ཙིའི་ནད་འགོག   ནག་སེལ་གཤེད་བཅོམ་སོགས་ལས་ཀར་ཞིབ་འཇུག་དང་མཛུབ་སྟོན་གནང་། ཞིང་ཆེན་ཏང་ཨུའི་རྒྱུན་ལས་ཨུ་ཡོན་ཆུས་མུའུ་ཧྲི་ཧ་བརྟག་དཔྱད་ཞིབ་འཇུག་ནང་ཞུགས་ཡོད།