རྒྱལ་མཚམས་སྒྲོལ་བའི་དྲ་ཐོག་སིལ་ཚོང་ནང་འདྲེན་སྲིད་ཇུས་གསར་པའི་ནང་ཚོང་ཟོག་གི་བཅད་གྲངས་མང་དུ་གཏོང་རྒྱུ།
2019ལོའི་ཟླ་1ཚེས་1ཉིན་ནས་བཟུང་། རྒྱལ་མཚམས་སྒྲོལ་བའི་དྲ་ཐོག་སིལ་ཚོང་ནང་འདྲེན་གྱི་ཁྲལ་བསྡུའི་སྲིད་ཇུས་ལེགས་སྒྲིག་བྱ་རྒྱུ་དང་། སྲིད་ཇུས་དེས་ཁྲལ་བསྡུའི་གཟིགས་སྐྱོང་སྲིད་ཇུས་ལོངས་སུ་སྤྱོད་པའི་ཚོང་ཟོག་བཅད་གྲངས་མང་དུ་གཏོང་རྒྱུ་དང་གསལ་ཐོའི་ཁྱབ་ཁོངས་ཆེ་རུ་གཏོང་རྒྱུ།
སྒེར་གྱི་ཐོབ་ཁྲལ་སྲིད་ཇུས་གསར་པ་ལས་ཁྲལ་འཇལ་མཁན་ལ་དཔྱ་ཁྲལ་ཆག་ཡང་གི་ཕན་པ་དེ་བས་མང་བ་ཐོབ་རྒྱུ།
གསར་དུ་བཟོ་བཅོས་བརྒྱབ་པའི་སྒེར་གྱི་ཐོབ་ཁྲལ་བཅའ་ཁྲིམས་ལས་ཁྲལ་འཇལ་མཁན་ལ་དཔྱ་ཁྲལ་ཆག་ཡང་གི་ཕན་པ་དེ་བས་མང་བ་ཐོབ་རྒྱུ་རེད། སྲིད་ཇུས་གསར་པ་དེ་2019ལོའི་ཟླ་1ཚེས་1ཉིན་ནས་བཟུང་དངོས་སུ་ལག་བསྟར་བྱ་རྒྱུ།
གློག་རྡུལ་ལག་ཁྱེར་གྱིས་མང་ཚོགས་ལ་སྟབས་བདེ་བསྐྲུན་རྒྱུ།
2019ལོའི་ཟླ་1ཚེས་1ཉིན་ནས་བཟུང་། གློག་རྡུལ་ལག་ཁྱེར་གྱི་རྒྱལ་ཁབ་ཚད་གཞི་ཁག་6དངོས་སུ་ལག་བསྟར་བྱ་རྒྱུ། སྐབས་དེ་དུས་སྲིད་དོན་ཆ་འཕྲིན་ཐོན་ཁུངས་མཉམ་སྤྱོད་དང་ཞབས་ཞུ་དེ་བས་ལོངས་སུ་སྤྱོད་ཐུབ་རྒྱུ་མ་ཟད། མི་སེར་གྱིས་བྱ་བ་བསྒྲུབ་རྒྱུར་ཡང་སྟབས་བདེ་རུ་འགྲོ་རྒྱུ་རེད།
ས་རྒྱུ་སྦགས་བཙོག་འགོག་བཅོས་བཅའ་ཁྲིམས་ཀྱིས་མང་ཚོགས་ཚོ་བློ་བདེ་པོའི་སྒོ་ནས་བཟའ་བཏུང་དང་གནས་སྡོད་ཐུབ་རྒྱུ།
རང་རྒྱལ་གྱིས་ཆེད་དོན་བཅའ་ཁྲིམས་ཐོག་མར་བཟོས་ནས་ས་རྒྱུ་སྦགས་བཙོག་འགོག་བཅོས་ཚད་ལྡན་དུ་གཏོང་རྒྱུ། བཅའ་ཁྲིམས་དེ་2019ལོའི་ཟླ་1ཚེས་1ཉིན་ནས་བཟུང་ལག་བསྟར་བྱས་ཏེ་མང་ཚོགས་ཚོ་བློ་བདེའི་སྒོ་ནས་བཟའ་བཏུང་དང་གནས་སྡོད་ཐུབ་རྒྱུ་ཡིན་པ།
ས་ཞིང་འགན་གཙང་བཅའ་ཁྲིམས་ལ་བརྟེན་ནས་ཞིང་པའི་ཁེ་དབང་སྲུང་སྐྱོང་ལ་ཤུགས་སྣོན་རྒྱག་རྒྱུ།
2019ལོའི་ཟླ་1ཚེས་1ཉིན་ནས་བཟུང་། ལག་བསྟར་བྱ་རྒྱུའི་གསར་དུ་བཟོ་བཅོས་བརྒྱབ་པའི་གྲོང་གསེབ་ཀྱི་ས་ཞིང་འགན་གཙང་བཅའ་ཁྲིམས་ནང་དབང་གསུམ་ལོགས་འཛུགས་དང་ཡུན་རིང་མི་འགྱུར་བའི་སྲིད་ཇུས་ཀྱི་བླང་བྱ་དོན་འཁྱོལ་བྱས་ཡོད་ལ། ཞིང་པའི་ཁེ་དབང་སྲུང་སྐྱོང་བྱ་རྒྱུར་ཡང་ཤུགས་སྣོན་བརྒྱབ་ཡོད།
