ས་སྲོད་རེ་རེར
མཚན་མོ་དང་འཆི་བ་ངའི་ཕྱོགས་སུ་དལ་ཅག་གེར་རྒྱུ་བཞིན་འདུག
ཚེ་སྲོག་གི་ལོག་ཕེབས་ཇི་འདྲའི་མགྱོགས་པ་ལ་ཨང
དེའི་རྐྱེན་གྱིས་ངའི་སེམས་ངོགས་སུ་ཁྱོད་ཀྱི་གཅེས་མིང་སྦྱར
ས་སྲོད་རེ་རེར
ཞི་འཇམ་གྱིས་ཁྱོད་ལ་རྒྱ་སེ་མེ་ཏོག་ཅིག་ཕུལ་ན་འདོད་ཀྱང
ཡིད་ཕངས་པ་ཞིག་ལ་ངའི་སེམས་ཁམས་ནད་ཀྱིས་བཟུང་འདུག
འུ་གཉིས་ལ་ལས་འཕྲོ་ཡོད་ཀྱང་ང་ནི་མི་ནད་པ་ཞིག་ཡིན
ངས་ཁྱོད་ཀྱི་ལང་ཚོ་ཆུད་ཟོས་སུ་གཏོང་བར་དངངས་འཚབ་སྐྱེས་པས
ང་ཁྱོད་ཀྱི་བདེ་སྐྱིད་ཀྱི་སླད་དུ་ཕ་ཡུལ་དང་རིང་དུ་བྲལ་ན་ཆོག
ས་སྲོད་རེ་རེར
ངས་ཁྱོད་ཁོ་ན་ལ་དབྱར་ཁ་ཞིག་ཚེས་སུ་འཇུག་འདོད་ཀྱང
སེམས་སུ་སྟོན་དུས་ཀྱི་རླུང་བུ་ཤིན་ཏུ་འཁྱགས་པས
ངའི་སེམས་པ་བཀྲེས་སྐོམ་གྱིས་མ་འཆི་བར་དུ
ངས་ཁྱོད་དགའ་བའི་ས་ཁུ་སིའི་རོལ་དབྱངས་ཤིག་དཀྲོལ་ངེས
༢༠༡༨.༡.༡༧
