དཔག་བསམ་དོན་འགྲུབ་ཀྱིས་ལོ་ངོ་གསུམ་ལྷག་ལ་དཀའ་བ་བརྒྱ་དང་འབད་པ་སྟོང་གིས་གསར་རྩོམ་བྱས་པའི་དགེ་རྟག་གཞས་ཚིག་གི་བོད་ཡིག་ཞལ་ཐང་རིང་མོ་ནི་མི་རིགས་ཀྱི་སྲོལ་རྒྱུན་རིག་གནས་རྒྱུན་འཛིན་དང་དགེ་རྟག་གཞས་ཚིག་གི་ཁྱད་ཆོས་ལ་ཞིབ་འཇུག །སྔོན་གཤེགས་དཔའ་བོའི་མཛད་རྗེས་ལ་རྗེས་དྲན། རྫོང་སྟུག་པའི་ཁམས་པའི་རིག་གནས་དང་དགེ་རྟག་རིག་གནས་རྒྱུན་འཛིན་དང་དར་སྤེལ་ལ་དམིགས་པའི་རྣམ་དཀར་གྱི་ལས་དོན་ཞིག་ཡིན། དགེ་རྟག་གཞས་ཚིག་ནི་ཁམས་ཕྱོགས་དང་ཡུན་ནན་འཇང་ཡུལ། བོད་ལྗོངས་སོགས་བོད་ཁུལ་དུ་དར་ཁྱབ་ཤིན་ཏུ་ཆེ་ཞིང་ས་གནས་དེ་གའི་མང་ཚོགས་ཀྱི་འཚོ་བའི་དགའ་སྐྱོ་ཆགས་སྡང་དང་འབྲེལ་བའི་རིག་གནས་ཤིག་ཏུ་ངོས་འཛིན། ཀུན་ལ་གྲགས་པའི་དགེ་རྟག་གཞས་བྲོ་ལ་གདངས་སྙན་པའི་རོལ་དབྱངས་ཀྱི་རམ་འདེགས་དང་འགྲོས་མྱུར་བའི་བྲོ་གར་གྱི་སྟངས་སྟབས། གོ་བསྐོན་བློ་འགུག་གི་བརྗོད་དོན་ལྡན་པའི་ཁྱད་ཆོས་ལྡན། སྤྱི་ལོ་1903ལོར་ཁམས་དཀར་མཛེས་སུ་འཁྲུངས་པའི་དགེ་རྟག་སྐུ་ཕྲེང་ལྔ་པ་ནི་ལྔ་རིག་གནས་ལྔ་ལ་མཁྱེན་དཔྱོད་ཡངས་ཤིང་ཐུགས་རྒྱུད་བརྩེ་བས་ཕྱུག་པའི་སྐྱེས་བུ་རླབས་ཆེན་ཞིག་ཡིན་ཞིང་། ཁོང་གིས་སྔོན་མའི་གཞས་ཚིག་གི་རྨང་གཞིའི་སྟེང་གཞས་ཚིག་སུམ་ཅུ་ལྷག་གསར་དུ་བསྣན་ཞིང་དེ་ལ་རོལ་དབྱངས་བརྩམས་ཤིང་། རྗེས་ནས་དམངས་ཁྲོད་སྒྱུ་རྩལ་པས་རིམ་བཞིན་འཐུས་ཇེ་ཚང་དང་ནང་དོན་ཕུན་སུམ་ཇེ་ཚོགས་སུ་བཏང་ནས་ད་ལྟར་ཀུན་གྱི་མཐོང་ཆོས་སུ་གྲུབ་ཅིང་ཐུན་མོང་མ་ཡིན་པའི་ཁྱད་ཆོས་ལྡན་པའི་དགེ་རྟག་གཞས་ཚིག་གྲུབ་པ་རེད།

ཡིག་གཟུགས་ཞལ་ཐང་རིང་མོ་འདིའི་སྤྱི་རིང་ཚད་ལ་སྨི་180ཡས་མས་དང་ཞེང་ལ་སྨི་0.8ཡོད། གཙོ་བོ་ཚན་པ་གསུམ་གྱིས་གྲུབ་ཞིང་ཡིག་གཟུགས་མི་འདྲ་བ་བཅུ་ལྷག་གིས་བྲིས་ཡོད། ཚན་པ་དང་པོ་ནི་འགོ་བརྗོད་ཡིན་ཞིང་སྨི་བཅུ་ལྷག་ཡོད། ཚན་པ་གཉིས་པ་ནི་བརྗོད་དོན་དངོས་ཏེ་དགེ་རྟག་གཞས་ཚིག་ཡིན་ཞིང་། རིང་ཚད་ལ་སྨི་142.8ཡོད། ཚན་པ་གསུམ་པ་ནི་མཇུག་གི་གཏམ་དང་གཞས་ཚིག་གསར་པས་གྲུབ་ཅིང་རིང་ཚད་ལ་སྨི་30ཡོད། ཞལ་ཐང་རིང་མོ་འདི་ལཉྫ་དང་ལརྟུ། ཡིག་དཀར། འབྲུ་ཚ། དཔེ་ཚུགས། ཁམས་ཀྱི་མཛེས་རིས། འཁྱུགས་ཡིག་བཅས་ཡིག་གཟུགས་བརྒྱད་ཀྱིས་གྲུབ་ཡོད་པ་དང་། དེས་བཀྲ་ཤིས་རྟགས་བརྒྱད་དང་བཀྲ་ཤིས་རྫས་བརྒྱད་མཚོན་པ་ཡིན། གཙོ་བོ་ཁ་དོག་བཞི་སྟེ། དཀར་སར་དམར་ནག་གིས་གྲུབ་ཅིང་། དེས་ཞི་རྒྱས་དབང་དྲག་མཚོན་པ་ཡིན། ཞལ་ཐང་འབྲི་བྱེད་སྨྱུ་གུ་སྲོལ་རྒྱུན་གྱི་སྨྱུག་མའི་སྨྱུ་གུ་དང་། དེང་རབས་ཀྱི་པིར་གྱིས་བྲིས་པས་གནམ་ས་དང་རི་ཆུ་ཕོ་མོ་སོགས་མཚོན་ནོ། །

དགེ་རྒན་དཔག་བསམ་དོན་འགྲུབ་ཀྱིས་ལོ་ངོ་སུམ་ཅུ་ལ་ཉེ་བའི་རིང་། རྒྱལ་ཁབ་དང་ཞིང་ཆེན། ཁུལ། དེ་བཞིན་རྫོང་རིམ་པའི་འགྲན་བསྡུར་གྱི་ཁྲོད་དུ་བོད་ཡིག་གི་བྲིས་གཟུགས་དང་། དཔྱད་རྩོམ་མང་པོ་ལ་བྱ་དགའ་ཐོབ་ཅིང་དུས་དེབ་ཁག་གི་ནང་བཀོད་ཡོད་པ་དང་། ཁོང་གི་ཡིག་གཟུགས་རྣམས་སྔ་ཕྱི་རུ་དར་མདོ་དང་། ཙི་དབྱང་། ཁྲེན་ཏུའུ། ཧྲང་ཧའེ། ཧྲེན་ཀྲེན་གྲོང་ཁྱེར་སོགས་སུ་བཤམས་སྟོན་བྱས་པས་བྲིས་གཟུགས་ལ་དགའ་བའི་དཔྱད་འདེམས་མང་པོའི་གདེང་འཇོག་ཐོབ། ཁོང་གིས་བརྩམས་པའི་《ལྕགས་སྨྱུག་གིས་བོད་ཡིག་དབུ་ཅན་འབྲི་ཐབས་ཀྱི་དཔེ་གཞི》 དང་《ཆུང་འབྲིང་སློབ་མའི་བོད་ཡིག་བསྐྱར་སྦྱོང་གནད་བསྡུས།》གཉིས་ཀན་སུའུ་མི་རིགས་དཔེ་སྐྲུན་ཁང་དང་། སི་ཁྲོན་མི་རིགས་དཔེ་སྐྲུན་ཁང་སོ་སོས་དཔར་བསྐྲུན་བྱས། སྔ་རྗེས་སུ་ཁོང་ལ་སི་ཁྲོན་ཞིང་ཆེན་རིག་གནས་ཐིང་གི་ཞིང་ཆེན་རིམ་པའི་བོད་ཡིག་ཡིག་གཟུགས་རྒྱུན་འཛིན་པའི་ཆོག་མཆན་ཐོབ་པ་དང་། 2016ལོར་ཧྲང་ཧའེ་འཛམ་གླིང་ཅི་ནིས་སིའི་གཟེངས་རྟགས་ཐོབ། 2016ལོའི་ཟླ་12པར་སི་ཁྲོན་ཞིང་ཆེན་གྱི་ཕུལ་བྱུང་རིག་གནས་དང་བླངས་པ་བཅུའི་མཚན་སྙན་ཐོབ། ཁོང་གི་བརྩམས་ཆོས་ལ་རྒྱལ་སྤྱིའི་ཧྲིན་ཀྲིན་རིག་གནས་འགྲེམ་སྟོན་ཚོགས་འདུ་སྐབས་བཅུ་གསུམ་སྟེང་གསེར་གྱི་རྟགས་མ་དང་དཀར་མཛེས་ཁུལ་གྱི་སྐབས་གཉིས་པའི་རྩོམ་རིག་སྒྱུ་རྩལ་གྱི་གཟེངས་རྟགས་སོགས་མང་པོ་ཐོབ། །  

格达弦子词》藏文书法长卷（长180多米，宽0.8米）是学习研究“格达弦子”舞蹈的表演风格，尝试书法形体演绎弦子歌词，直追音乐和舞蹈之风。据该长卷创作者巴松邓珠介绍，长卷由三个部分十种字体书写而成，第一部分是近10多米的前言；第二部分为主题（格达弦子词）全长142.8米，宽0.8米，用原始竹笔与现代排笔两种不同的书法笔书写8种藏文字体，此部分成功申报上海大世界基尼斯最长的“弦子”藏文书法长卷；第三部分为近30米的后记与新歌词。书卷中的兰札体、乌尔都体、珠察体、乌金体、长脚体、短脚体、美术体、草体8种藏文字体，其含义表示八吉祥、八瑞相。长卷的颜色有黄、红、白、黑四色，其含义表示息（息灾）、增（增益）、怀（怀爱）、伏（诛恶）四业。