སྐྲ་འདབས་ནས་འཛར་བའི་རྔུལ་ཆུའི་དྲེག་པ

སྙིང་ཉེ་བའི་ངོ་གདོང་རྫོབ་བྱེད་དུ་གྱུར

ལག་པའི་ནང་གི་མི་གཙང་པ་དག་ཕྱིར་འཛིང་འོང་སྟེ

གཤོག་པ་ཆད་པའི་བྱིའུ་ཞིག་ཡང་ཡང་བསྒུལ


རླུང་ནང་ནས་ཚུར་མཆེད་པའི་སྒྲ་ཟད་པོ

ནགས་ཚལ་གྱི་མུན་པས་བསྲེགས་སོང

བྱིའུ་ཆུང་གིས་གཟེབ་དྲ་བརྟོལ་ནས་འཕུར་ཐབས་བྲལ


དགུན་ཟླ་གསུམ་གྱི་རིང་ངམ་ཡུན་རིང་ཞིག་ལ

ཉི་འོད་ལ་བཙའ་དང་གཡའ་ཆགས་འདུག

མདུན་རྒྱབ་དང་གཡས་གཡོན་གང་རུང་དུ

ངོ་མི་ཤེས་པའི་ཁོ་དང་ཁོ་མོ་ཚོས

རང་རང་གི་ནང་སེམས་སུ་ཁེར་རྐྱང་གི་ནམ་མཁའ་རེ་བྲིས

གས་ཧྲུལ་དུ་སོང་བའི་ནམ་མཁའི་ངོས་སུ

གཟེབ་ཀྱི་བྱིའུ་ཆུང་གི་གཤོག་སྒྲོ་བཅད་ནས་འཕུར་དུ་བཅུག


2017.10.20དབྱི་གྲོང་།