འཆི་མེད་རྡོ་རྗེ་ནི་སྦྲག་སྲིད་འཕྲིན་སྐྱེལ་པའི་གཟི་བརྗིད་ཡིན་ཞིང་། ཁོང་གིས་ལོ་ངོ་སུམ་ཅུ་ཙམ་གྱི་རིང་དུ་ཁྲོན་བོད་གཞུང་ལམ་ཐོག་གི་ཆེས་ཉེན་ཁ་ཆེ་བའི་སྡེ་དགེའི་ཁྲོ་ལ་བརྒལ་ནས་སྦྲག་སྲིད་འཕྲིན་སྐྱེལ་གྱི་ལས་ཀ་རྒྱུན་འཁྱོངས་བྱས་པ་རེད། 2017ལོའི་ཟླ་4ཚེས་25ཉིན། འགྲིམ་འགྲུལ་སྐྱེལ་འདྲེན་པུའུ་དང་ཀྲུང་ཧྭ་རྒྱལ་ཡོངས་སྤྱི་ཁྱབ་བཟོ་ཚོགས་གཉིས་ཀྱིས་མཉམ་དུ་གཉེར་བའི་"2016ལོའི་ལོ་འཁོར་གྱི་ཕུལ་བྱུང་འགྲིམ་འགྲུལ་མི་སྣ་བཅུ་"ཡི་ནང་དུ་བདམས་པ་དང་། 2017ལོའི་སྤྱི་ཟླ་10པར་ཀྲུང་དབྱང་དཔལ་ཡོན་གཞུང་ལས་ཁང་གིས་“ཀྲུང་གོའི་མི་བཟང་མིང་ཐོ་”རུ་བདམས་པ་མ་ཟད། 2019ལོའི་ཟླ་དང་པོའི་ཚེས་25ཉིན་ཀྲུང་དབྱང་དྲིལ་བསྒྲགས་པུའུ་ཡིས་སྤྱི་ཚོགས་ཡོངས་ལ་འཆི་མེད་རྡོ་རྗེའི་སྔོན་ཐོན་གྱི་བྱས་རྗེས་བསྒྲགས་ཤིང་། ཁོང་ལ་“དུས་རབས་ཀྱི་མིག་དཔེ་”ཞེས་པའི་མཚན་སྙན་བསྩལ་བ་རེད།
